Toshkent shahar Mirobod tumanida chaqnash oqibatida talafot ko‘rgan oilalarga uch yildan beri uy berilmayotgani aytilmoqda. Tuman hokimligi holatga izoh berdi.
Keltirilishicha, 2022-yil 30-dekabrda yuz bergan gaz portlashi oqibatida xonadonlari yaroqsiz holatga kelgan 3 ta xonadon egalari qachon uy-joy bilan ta’minlanishi, shuningdek, uyning yaroqsiz holatga kelgan 4 ta xonadon joylashgan blok qismida qachon ta’mirlash ishlari olib borilishi yuzasidan murojaatlar bildirilgan.
“O‘zog‘irsanoatloyiha” AJ institutining xulosasiga ko‘ra, chaqnash oqibatida 12 ta xonadon talafot ko‘rgan, shundan 8 tasi yashashga yaroqsiz deb topilgan. Xulosaga muvofiq, tuman hokimligi komissiyasi tomonidan tegishli ekspert tashkilotlarini jalb qilgan holda yetkazilgan zarar miqdori aniqlangan.
Shuningdek, yaroqsiz holatga kelgan xonadonlarni demontaj ishlarini amalga oshirish bo‘yicha tegishli xulosa olingan. Barcha hujjatlar (baholash hisobotlari, ekspertiza xulosalari, “O‘zog‘irsanoatloyiha”ning demontaj loyihasi) Toshkent shahar Xalq deputatlari kengashiga, Toshkent shahar umumlashtiruvchi komissiyasiga taqdim etilgan.
Vazirlar Mahkamasining qaroriga binoan tuman, shahar hokimi tavsiyanomasi asosida Qoraqalpog‘iston Respublikasi Vazirlar Kengashi, viloyat, Toshkent shahar hokimi tomonidan yashash uchun yaroqsiz bo‘lgan uylar yoki turar joylarni boshqa maqsadlarda foydalanish uchun qayta jihozlash yoxud buzish to‘g‘risida qaror chiqariladi.
Bunda turar joylari avariya holatida yoki tabiiy ofatlardan jabrlangan deb e’tirof etilgan fuqarolarga davlat tomonidan tekin uy-joy berish masalasi albatta hal qilingan bo‘lishi kerak.
Shu kungacha yaroqsiz holga kelgan 8 ta xonadon egalarining 4 tasi uy-joy bilan ta’minlangan, yana bir xonadon egasi ham uy bilan ta’minlash ishlari jarayonda.
Mirobod tuman hokimi, hokim o‘rinbosari Sodiq Azimov ko‘chasi 5-uyda istiqomat qilgan fuqarolar bilan doimiy aloqadaligi, uchrashuvlar o‘tkazilishi va uy-joy fondida xonadonlar paydo bo‘lishi bilan fuqarolarga uy taklif etib kelinayotgani bildirildi.
Murojaatda chiqish qilgan fuqarolar taklif etilgan uy-joylarga rad javobi berilgan, rad javobini bergan fuqarolarni boshqa turar-joy bilan ta’minlash chora-tadbirlari ko‘rilmoqda.
Shuningdek, ta’mirlash mumkin bo‘lgan 4 ta xonadondan iborat blokni yaroqsiz holatga kelgan xonadon egalari to‘liq uy-joy bilan ta’minlangandan keyin ta’mirlash rejalashtirilgan.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
2025-yil 25-fevral kuni Toshkent shahrining Yashnobod tumani, Aviasozlar 4-dahasida joylashgan avtomobillar yuvish joyida yong‘in sodir bo‘lgandi.
Izoh (0)