Sayxunobod tumanidagi “Politeks Sirdaryo” mas’uliyati cheklangan jamiyat shaklidagi to‘qimachilik klasteri rahbari Dilmurod Abdurahmonov Sirdaryo viloyati hokimining qishloq va suv xo‘jaligi masalalari bo‘yicha o‘rinbosari lavozimiga tayinlandi. Bu haqda viloyat hokimligi matbuot xizmati xabar berdi.
Ushbu tayinlov viloyat hokimi G‘ofurjon Mirzayev, viloyat sektorlari hamda boshqarma-tashkilotlar rahbarlari, jamoatchilik vakillari ishtirokida o‘tgan yig‘ilishda e’lon qilingan.
Dilmurod Abdurahmonov 1983-yilda Xovos tumanida tug‘ilgan. 2002-yilda Toshkent moliya institutini, 2010-yilda O‘zbekiston prezidenti huzuridagi Davlat va jamiyat qurilishi akademiyasini, 2011-yilda Toshkent to‘qimachilik va yengil sanoat institutini tamomlagan. “Shuhrat” medali sohibi.
Eslatib o‘tamiz, 2020-yilning dekabridan buyon Sirdaryo viloyati hokimining qishloq va suv xo‘jaligi masalalari bo‘yicha o‘rinbosari lavozimida Avazxon Ergashev ishlab kelayotgandi.
Izoh (0)