O‘zbekiston musulmonlari idorasi Qurbon hayiti namozining o‘qilish vaqtlarini e’lon qildi.
Qayd etilishicha, jome masjidlarda 2025-yil 6-iyun juma kuni Qurbon hayiti namozi o‘qiladi. Toshkent shahridagi jome masjidlarda ertalab soat 05:10 da Qurbon hayiti namozi o‘qiladi.
Mamlakat hududlarida Qurbon hayiti namozi jome masjidlarda quyidagi vaqtlarda ado etiladi:
- Andijon — 05:00
- Namangan — 05:00
- Farg‘ona — 05:00
- Toshkent sh. — 05:10
- Toshkent v. — 05:10
- Sirdaryo — 05:20
- Jizzax — 05:20
- Samarqand — 05:20
- Surxondaryo — 05:25
- Qashqadaryo — 05:25
- Navoiy — 05:30
- Buxoro — 05:30
- Xorazm — 05:45
- Qoraqalpog‘iston Res. — 05:50
Ushbu jadvalda ko‘rsatilgan vaqtlar quyosh chiqqanidan keyin 15-20 daqiqalik farqni inobatga olib belgilandi.
Prezidentning “Muborak Qurbon hayitini nishonlash to‘g‘risida”gi qarori qabul qilindi.
Qaror bilan O‘zbekistonda 6-iyun kuni Qurbon hayiti bayrami sifatida keng nishonlanadi.
7-iyun (shanba) kuni olti kunlik ish haftasi tartibi bo‘yicha ishlaydigan xodimlar uchun qo‘shimcha dam olish kuni etib belgilandi.
Hijriy-qamariy yil hisobi bo‘yicha zulhijja oyining 10-kuni Qurbon hayitining birinchi kuni hisoblanadi. O‘zbekiston musulmonlari idorasi qoshidagi Fatvo markazi zulhijja oyining birinchi kuni 28-may, chorshanbaga to‘g‘ri kelganini ma’lum qildi.
2024-yilda O‘zbekistonda Qurbon hayiti 16-iyun kuni nishonlangandi.
Izoh (0)