Ichki ishlar vazirligi matbuot kotibi Shohrux G‘iyosov 31-iyul, Qurbon hayiti kunida so‘yilgan qurbonliklarni yetkazib berish masalasini izohlab o‘tdi.
Jumladan, aholidan kelgan “31-iyul kuni harakatlanishni taqiqlab qo‘yibsizlar. So‘yilgan qurbonliklarni muhtoj oilalarga qanday yetkazib beramiz? Buncha go‘shtni saqlaydigan muzlatgichlarimiz yo‘q”, degan savolga G‘iyosov quyidagicha javob bergan:
To‘g‘ri, 31-iyul, 1—2-avgust hamda 8—9-avgust (shanba va yakshanba) kunlari butun sutka davomida respublika miqyosida harakatlanish, ya’ni avtotransport vositalarining, yo‘nalishsiz taksilarning harakati to‘liq to‘xtatiladi. Mazkur cheklov maxsus ruxsatnomalar asosida harakatlanadigan avtotransport hamda Maxsus komissiyasining 2020-yil 8-iyuldagi qarori bilan tasdiqlangan maxsus ruxsatnomalar talab etilmaydigan avtotransport vositalari harakatlanishiga nisbatan tatbiq etilmaydi. Qilayotgan savobli ehsoningizni karantin qoidalariga rioya etgan holda, mahallangiz raisi va faollari hamkorligida hamda yordamida o‘zingiz yashayotgan mahalla hududida amalga oshirishingiz maqsadga muvofiq.Eslatib o‘tamiz, avvalroq O‘zbekiston musulmonlari idorasi Misrdagi “Dorul Ifto” fatvo hay’atiga tayanib, Qurbon hayitining birinchi kuni 31-iyulga to‘g‘ri kelishini ma’lum qilgandi. Prezident qarorida ham Qurbon hayiti 31-iyul kuni karantin qoidalariga amal qilingan holda nishonlanishi belgilandi.Shohrux G‘iyosov, Ichki ishlar vazirligi matbuot kotibi
Shuningdek, Qurbon hayiti kuni butun sutka davomida respublika miqyosida harakatlanish, avtotransport vositalarining, yo‘nalishsiz taksilarning harakati to‘liq to‘xtatiladi.
Eslatib o‘tamiz, 2020-yilda Ramazon hayitining birinchi kuni 24-mayda nishonlandi. O‘shanda ham O‘zbekiston musulmonlari idorasi Hayit namozini uyda o‘qishni tavsiya qilgandi. Sog‘liqni saqlash vazirligi esa Hayitni uyda, oila davrasida nishonlashga chaqirgandi.
Izoh (0)