Ўзбекистон мусулмонлари идораси Қурбон ҳайити намозининг ўқилиш вақтларини эълон қилди.
Қайд этилишича, жоме масжидларда 2025 йил 6 июнь жума куни Қурбон ҳайити намози ўқилади. Тошкент шаҳридаги жоме масжидларда эрталаб соат 05:10 да Қурбон ҳайити намози ўқилади.
Мамлакат ҳудудларида Қурбон ҳайити намози жоме масжидларда қуйидаги вақтларда адо этилади:
- Андижон — 05:00
- Наманган — 05:00
- Фарғона — 05:00
- Тошкент ш. — 05:10
- Тошкент в. — 05:10
- Сирдарё — 05:20
- Жиззах — 05:20
- Самарқанд — 05:20
- Сурхондарё — 05:25
- Қашқадарё — 05:25
- Навоий — 05:30
- Бухоро — 05:30
- Хоразм — 05:45
- Қорақалпоғистон Рес. — 05:50
Ушбу жадвалда кўрсатилган вақтлар қуёш чиққанидан кейин 15-20 дақиқалик фарқни инобатга олиб белгиланди.
Президентнинг “Муборак Қурбон ҳайитини нишонлаш тўғрисида”ги қарори қабул қилинди.
Қарор билан Ўзбекистонда 6 июнь куни Қурбон ҳайити байрами сифатида кенг нишонланади.
7 июнь (шанба) куни олти кунлик иш ҳафтаси тартиби бўйича ишлайдиган ходимлар учун қўшимча дам олиш куни этиб белгиланди.
Ҳижрий-қамарий йил ҳисоби бўйича зулҳижжа ойининг 10-куни Қурбон ҳайитининг биринчи куни ҳисобланади. Ўзбекистон мусулмонлари идораси қошидаги Фатво маркази зулҳижжа ойининг биринчи куни 28 май, чоршанбага тўғри келганини маълум қилди.
2024 йилда Ўзбекистонда Қурбон ҳайити 16 июнь куни нишонланганди.
Изоҳ (0)