Finlyandiya, Shvetsiya, Norvegiya, Litva, Estoniya va Niderlandiya CV90 piyodalar jangovar mashinasini birgalikda sotib olish bo‘yicha tadqiqotlar o‘tkazish va tayyorgarlik ko‘rish niyatlari to‘g‘risidagi bayonotni imzoladi. Bu haqda Finlyandiya Mudofaa vazirligi xabar berdi.
Ma’lum qilinishicha, Niyatlar to‘g‘risidagi deklaratsiya 5-iyun kuni Bryusselda NATO mamlakatlari mudofaa vazirlari uchrashuvi yakunida imzolangan.
Potensial xarid mudofaa bayonotiga mos kelib, Finlyandiyada piyodalarning o‘t ochish kuchi va harakatchanligini rivojlantirish, eskirgan uskunalarni almashtirish hamda hozirgi tahdid sharoitida jangovar mashinalar sonini sezilarli darajada oshirish bilan bog‘liq. Jangovar mashinalardan tashqari, potensial xarid o‘quv jihozlari, ehtiyot qismlar va o‘q-dorilarni ham o‘z ichiga oladi. Qo‘shma xaridlar yetkazib berish hajmi, muvofiqligi, operativ muvofiqligi va xavfsizligi, shuningdek, texnik xizmat ko‘rsatish bo‘yicha afzalliklarga erishishga qaratilgan
Niyat xati CV90 ning boshqa mahsulotlari bo‘yicha hamkorlikni chuqurlashtirish, Ukrainani CV90 jangovar mashinalari bilan qo‘llab-quvvatlash imkoniyati va boshqa mamlakatlarni qo‘shma xarid kelishuvlariga jalb qilish imkonini beradi. Shu bilan birga, qo‘shma xaridlarni amalga oshirishda Finlyandiya mudofaa sanoatining ishtiroki o‘rganiladi
CV90 jangovar mashinasi yaqin yillarda Yevropaning 11 davlatida foydalaniladi. Agar sotib olinsa, Finlyandiyada qo‘llaniladigan versiya beshta mamlakatdagi kabi bo‘lib, asosiy xususiyatlari bo‘yicha boshqa uchta Yevropa mamlakatidagi versiyaga o‘xshash bo‘ladi.
May oyi oxirida Buyuk Britaniya B61-12 termoyadroviy bombalarini tashiy oladigan F-35A qiruvchi samolyotlarini sotib olish bo‘yicha AQSH bilan muzokaralarni boshlanganini ma`lum qildi.
AQSH Ukrainaga harbiy yordam berishdan bosh tortsa, Yevropa davlatlari Amerikada ishlab chiqarilgan qurollarni sotib olib, ularni Ukrainaga yetkazib berishni ko‘rib chiqayotgani xabar qilingandi.
Izoh (0)