Orlando Blum “Karib dengizi qaroqchilari” filmida Uill Tyorner rolini ijro etgan. Aktyor o‘zining mashhur obrazini yana jonlantirishga tayyor. Uning fikricha, hozir franshizani ekranlarga qaytarish uchun eng qulay vaqt hisoblanadi.
Menga 20 yil o‘tib, barcha qahramonlarni yana qaytarish g‘oyasi yoqdi. Bu oldingi filmlardagidan ko‘ra qo‘polroq va g‘alatiroq Uill Tyorner bo‘lardi. Personaj shunday yangicha ko‘rinishda namoyon bo‘lishga tayyor, eng muhimi — hammasini amalga oshirish kerak, deydi Orlando Blum.
Karib dengizi qaroqchilari franshizasining so‘nggi qismi — “O‘liklar ertak aytmaydi” — 2017-yilda ekranlarga chiqqan edi. Avvalroq filmning yangi versiya suratga olinishida asosiy e’tibor Margot Robbiga (Barbi) qaratilishi haqida xabarlar bor edi.
Kapitan Jek Vorobey (Jonni Depp ijrosida) esa ehtimol faqat kichik rol bilan qaytadi. Biroq bu hozircha faqat mish-mish bo‘lishi ham mumkin. Hattoki, Disney bir vaqtning o‘zida ikki xil yangi film ustida ishlayotgan bo‘lishi ehtimoldan xoli emas.
Orlando Blumning aytishicha, u studiyaning oltinchi film borasidagi rejalaridan bexabar. Shu paytgacha hech kim u bilan bog‘lanmagan.
Izoh (0)