Quyida shahzoda Garri nima uchun Amerikada to‘rt yildan beri hech kim bilan do‘stlashmaganini va gersoginya Meganning bunga qanday aloqasi borligi haqida ma’lumot beramiz.
2020-yil Vindzorlar oilaviy munosabatlarida burilish nuqtasi bo‘ldi: shahzoda Garri va uning rafiqasi Megan qirollik unvonidan voz kechib, Kaliforniyaga ko‘chib o‘tishdi. Shahzodaga yaqin manbaga ko‘ra, Megan va bolalari Garrining hayotida katta ahamiyatga ega, shuning uchun u Buyuk Britaniyaga qaytish haqida hatto o‘ylamayapti ham.
Hozirda shahzoda Garrining Amerikadagi yaqin do‘stlari qatoriga teleboshlovchi Jeyms Korden, aktyor Tayler Perri, polochi Nacho Figueras va qo‘shnisi Orlando Blum kiradi. Do‘stlarining bunday tor doirada bo‘lishiga sabab Sasseks gertsogi butun vaqtini xotini, bolalari va ishiga sarflaydi. Bu asosli sababdek tuyulishi mumkin, ammo nega gersoginya Megan dugonalari doirasini cheklamaydi degan haqli savol tug‘iladi: uning do‘stlariga Serena Uilyams, Ellen DeJeneres va Uitni Vulf Xerd, shuningdek, mahalliy ayollarning butun guruhi kiradi. Megan Markl ular bilan tez-tez uchrashib turadi.
Meganning Garri ustidan nazorat qilishini har doim payqagan qirollik muxlislari bunga yana bir bor amin bo‘lishdi. Megan doimo do‘stlari bilan muloqot qilishdan zavqlansa-da, Garri xotini ma’qullagan odamlar bilan gaplashishdan mamnun bo‘lishga majbur. Bundan tashqari, uning Buyuk Britaniyadagi do‘stlari bilan munosabatlari avvalgidek kuchli emas. Iyul oyida shahzoda bir vaqtlar yaqin do‘sti bo‘lgan Vestminster gertsogining to‘yiga bormagan edi. Xyu Grovenor nafaqat Garrining do‘sti, balki shahzoda Archi va shahzoda Jorjning cho‘qintirgan otasi ham.
Sasseks gersogi hozirda ham Buyuk Britaniyadagi do‘stlari bilan vaqti-vaqti bilan uchrashish imkoniyatiga ega. Misol uchun, Jey Jey Chalmers o‘tgan yili Garrini hech bo‘lmaganda neytral hududda ko‘rish uchun Invictus Games musobaqalariga kelgan.
Izoh (0)