Har bir filmida jozibali go‘zallarni yoki jirkanch kampirlarni o‘ynab, bir-biriga o‘xshamaydigan obrazlarni tanlashga harakat qiladigan aktyor va aktrisalar bor. AdMe nashri mashhur aktyor va aktrisalarning filmografiyasini o‘rganishga va ular qaysi personajlarni yaxshiroq ijro etganini tahlil qildi.
Natali Dormer — makkora fitnachi
Natali Dormer tabiatan ayyor ko‘rinishga ega, bu unga murakkab rollarni mukammal tarzda o‘ynashga imkon beradi. Ekranda u ko‘pincha juda yoqimtoy va himoyasiz qiz sifatida namoyon bo‘ladi, ammo film so‘ngida hammani nog‘orasiga o‘ynatadigan fitnakor ayolga aylanadi. Taxt uchun qo‘lidan kelganini qiladigan Qirol Genrix VIII ning xotinlaridan biri, oxir-oqibat asosiy yovuz va manipulyatorga aylangan aqlli rassom — bularning barchasi iste'dodli Natalining rollari.
Seriallari: “Tyudorlar” (2007-2010), “Taxtlar o‘yini” (2011-2019), “Oddiylik” (2012-2019).
Sirsha Ronan — o‘ziga xos xarakterga ega qiz
Sirsha Ronan — juda istiqbolli aktrisa, u allaqachon juda ko‘p ajoyib rollarni o‘ynagan, agar diqqat bilan qarasangiz, u boshqalarga o‘xshamaydigan, o‘ziga xos xarakterga ega, ajoyib rollarni o‘ynaydi. Yosh feminist, boshqa mamlakatni zabt etish uchun yo‘lga chiqqan jasur qiz, pushti sochli xayolparast, munosabat o‘rnatishdan qo‘rqadigan ayol — Sirsha bu rollarni mahorat bilan ijro etgan.
Filmlari: “Kichik ayollar” (2019), “Bruklin” (2015), “Byord xonim” (2017), “Sohilda” (2017).
Zoi Saldana — kosmik darbadar
Boshqa dunyolar haqidagi fantastik filmlar juda mashhur bo‘lgan bir paytda Zoi Saldana kinodagi roli haqida qaror qabul qilishga muvaffaq bo‘ldi. Agar sarguzasht va makon bilan bog‘liq rol bo‘lsa, filmda Zoini ko‘rish ehtimoli katta. U Pandora sayyorasining mag‘rur qizi, galaktikani dushmanlardan qutqaruvchi romantik jangchi qiz va hatto yulduzlar flotining leytenanti, yangi dunyolar sari kosmik kemada sayohatga yo‘l olgan darbadar rollarini a’lo darajada ijro etgan.
Filmlari: “Avatar” (2009), “Galaktika qo‘riqchilari” (2014), “Yulduzli yo‘l” (2009).
Kris Payn — cho‘rtkesar yigit
Dahshatli jasorat va mardlik xislatlari Kris Payn o‘ynagan ko‘plab qahramonlarni ajratib turadi. U romantik filmlardan uzoqlashgandan so‘ng, uning filmlarida qat’iy yigit obrazi mustahkam o‘rin oldi. Kosmik kemaning mard kapitani, tasodifan ayollar oroliga tushib qolgan uchuvchi, Markaziy razvedka boshqarmasi maxsus agenti bilan birgalikda yovuzlikka qarshi kurashishga qaror qilgan jangchi — bularning barchasi Krisning ijod mahsuli.
Filmlari: “Yulduzli yo‘l” (2009), “Mo‘jiza ayol” (2017), “Jek Rayan: Xaos nazariyasi” (2014).
Kara Delevin — g‘ayritabiiy mavjudot
Kara Delevin model sifatida tanilganiga qaramay, aktyorlik sohasida ham yuksaklikka erishdi. Ishonchli, o‘tkir ko‘zlari va jozibador ko‘rinishi unga g‘ayritabiiy mavjudotlarni o‘ynash imkoniyatini berdi. Yovuzlikka qarshi kurashadigan neo-Viktoriya metropolidagi elf, kuchli va qo‘rqinchli sehrgar sifatida qayta tug‘ilgan oddiy qiz va hatto suv parisi — Kara o‘zining aktyorlik iste’dodi borligini isbotladi.
“Rou karnavali” seriali (2019), filmlari: “Xudkushlar guruhi” (2016), “Pen: Netlandga sayohat” (2015).
Orlando Blum – o‘zga davrning qahramoni va sayohatchisi
Orlando Blum filmografiyasida tarixiy muhit va sarguzasht filmlari alohida o‘rin tutadi. U bunday qahramonlarni juda yaxshi ko‘radi va undan to‘liq foydalanadi. Lixoleslik elf, taqdir taqozosi bilan qaroqchiga aylangan temirchi, Bukingemning xavfli gertsogi, qadimiy troyalik yigit, yosh salibchi ritsar — Orlando qahramonlari sarguzashtlarga ergashadi va ular tomoshabinni zeriktirmaydi.
Filmlari: “Uzuklar hukmdori: Uzuklar birodarligi” (2001), “Karib dengizi qaroqchilari: Qora marvarid la’nati” (2003), “Mushketyorlar” (2011), “Troya” (2004), “Samo qirolligi” (2005).
Bleyk Layvli — hamma sevadigan mashhur sohibjamol
“G‘iybatchi qiz” teleserialidagi rolidan so‘ng, Bleyk nihoyat kino olamida o‘z o‘rnini egalladi. Maftunkor tabassum va jozibali ko‘rinish unga hammaga yoqadigan va hayratga soladigan sohibjamollar rolini o‘ynashga imkon berdi. Mashhur maktab o‘quvchisi, romantik qiz, go‘zallik tanlovi ishtirokchisi, superqahramon ham, yovuz odam ham sevib qolgan aerodrom xodimi va hatto qarimaydigan ayol — bularning barchasi go‘zal Bleykning rollari ekanligiga ishonish oson.
Filmlari: “Jinsi tumor” (2005), “Elvis va Anabell” (2007), “Yashil fonar” (2011), “Adalin asri” (2015), “G‘iybatchi qiz” seriali (2007-2012).
Jessi Eyzenberg — o‘tkir tilli, ammo muvaffaqiyatga erishadigan taniqli yigit
Ko‘plab murakkab rollarni o‘ynashga muvaffaq bo‘lgan Jessi Eyzenberg aktyor sifatida e’tirofga erishdi. Barcha do‘stlarini yo‘qotgan ijtimoiy tarmoq yaratuvchisi, ajoyib superyo‘riqchi va biznesmen, nayranglar va illyuziyalarning qobiliyatli ustasi — rollar oson emas, lekin Jessi buni uddaladi.
Filmlari: “Ijtimoiy tarmoq” (2010), “Adolat ligasi” (2017), “Aldash illyuziyasi” (2013).
Izoh (0)