O‘zbekiston va Yaponiya o‘rtasidagi hamkorlik doirasida yosh mutaxassislarni xalqaro mehnat bozoriga tayyorlash bo‘yicha yangi yo‘nalish boshlandi, deb xabar bermoqda Migratsiya agentligi.
Keltirilishicha, Migratsiya agentligi hamda Japan-China-Asia Medical Educational Cultural Exchange General Incorporated Association tashkiloti o‘rtasida hamkorlik kelishuvi imzolanib, “Yaponiya bozoriga 10 ming nafar o‘zbek mutaxassislarini jalb qilish” loyihasiga start berildi.
Loyiha doirasida dastlabki tayyorgarlik ishlari Toshkent shahri, Samarqand va Namangan viloyatlarida amalga oshiriladi. Mazkur hududlarda tashkil etiladigan “Yapon mahorat nuri” o‘quv kurslarida ishtirokchilar:
- yapon tilini o‘rganadi,
- kasbiy malaka imtihonlariga tayyorlanadi,
- hamda Yaponiyada ishga joylashish uchun zarur ko‘nikmalarga ega bo‘ladilar.
Shuningdek, WiseBridge nomli onlayn platforma orqali Yaponiyadagi bo‘sh ish o‘rinlarini tanlash, ish beruvchilar bilan to‘g‘ridan-to‘g‘ri bog‘lanish imkoniyati yaratiladi. Ushbu platforma 2025-yil iyun oyida faoliyat boshlaydi.
Tashkilot rahbari, Yaponiya sobiq bosh vaziri Yukio Hatoyama shunday dedi: “O‘zbekiston — yoshlar soni jadal o‘sib borayotgan, mehnat bozorida katta salohiyatga ega mamlakat sifatida Yaponiyaning mehnat migratsiyasi sohasidagi ishonchli hamkorlaridan biriga aylanmoqda.”
O‘zbekistonlik hamshiralar AQSHga ishlash uchun yuboriladi
Bu haqda Migratsiya agentligi direktor o‘rinbosari Azimjon Husanov va New Future Success Academy xalqaro hamshiralarni tayyorlash o‘quv markazining O‘zbekistondagi boshqaruvchi menejeri Fozilbek Xonxo‘jayev o‘rtasidagi uchrashuvda ma’lum qilingan. 2030-yilgacha AQSHda 1 milliondan ortiq hamshiralarga talab mavjud.
O‘zbekistonda 2018—2023-yillarda aholi daromadining 16 foizi migrantlar ulushiga to‘g‘ri kelgan. Chet ellarda ishlayotgan yurtdoshlar har yili O‘zbekistonga o‘n ikki-o‘n besh milliard dollar jo‘natadi.
O‘zbekistonlik hamshiralar Qatarga ishga taklif qilinmoqda
Jami ish o‘rni 10 ta, ish haqi oyiga 2750 dollarni tashkil etadi. Ish uch smenali tizimda amalga oshirilib, haftasiga 48 soat, 6 kunni tashki etadi. Nomzodlar uchun shartlar: 18−50 yosh oralig‘ida bo‘lish, tibbiyot sohasida kamida 2 yillik ish stajiga ega bo‘lish hamda ingliz tilini mukammal bilish.
Izoh (0)