Turkiyada murakkab vaziyatga tushib qolgan ona va farzandlariga Vatanga qaytishda amaliy yordam ko‘rsatildi, deb xabar bermoqda Migratsiya agentligi.
Qayd etilishicha, xorijda ishlash maqsadida ketayotgan fuqarolar orasida ba’zan turmush sharoitida kutilmagan muammolar yuzaga chiqishi mumkin. Shunday og‘ir holatlardan biri bilan yuzlashgan ayol R.S. 4 nafar voyaga yetmagan farzandlari bilan Turkiyaning Istanbul shahrida yashash va ishlash istagida bo‘lgan.
Ammo turmush o‘rtog‘i tomonidan tashlab ketilgan va murakkab moliyaviy ahvolda qolgan. U farzandlari bilan O‘zbekistonga qaytish uchun murojaat qildi.
Migratsiya agentligining harakati bilan hukumat qarori asosida, ular beg‘araz vatanga qaytarildi.
Xorijdan O‘zbekistonga qaytarilgan bolalar
2024-yil avgust—sentyabr oylarida xorijda ota-ona qaramog‘idan mahrum bo‘lgan 34 nafar bola O‘zbekistonga qaytarilgandi. Oktyabr oyida Rossiyada qarovsiz qolgan 8 oylik chaqaloq O‘zbekistonga, ota-onasi bag‘riga qaytarildi. Moskvadagi voyaga yetmagan huquqbuzarlarni vaqtincha saqlash markazidan 4 nafar bola O‘zbekistonga olib kelindi. O‘sha oyda Turkiyada ota-onasining qarovisiz qolib ketgan uch nafar voyaga yetmagan bola O‘zbekistonga qaytarildi. Noyabrda Dubayni tark etish taqiqlangan o‘zbekistonlik bolaga vatanga qaytishiga yordam berildi. Dekabrda Rossiyada ota-ona qaramog‘isiz qolgan 15 nafar bola O‘zbekistonga qaytarildi.
Shuningdek, Rossiyaning Tiva Respublikasi Oq Dovurak shahrida vaqtincha ishlayotgan va hujjatlarini yo‘qotgan to‘rt nafar O‘zbekiston fuqarosi vatanga qaytarilgandi.
O‘zbekistonga qaytarilgan ayollar
Izoh (0)