“O‘zbekiston” anjumanlar saroyida 27-iyun – Matbuot va ommaviy axborot vositalari xodimlari kuni munosabati bilan bayram tadbiri hamda “Oltin qalam” XIX Milliy mukofoti uchun xalqaro tanlov g‘olib va sovrindorlarini tantanali taqdirlash marosimi bo‘lib o‘tdi.
Prezident matbuot kotibi Sherzod Asadov prezident Shavkat Mirziyoyevning matbuot va ommaviy axborot vositalari xodimlariga yo‘llagan tabrigini o‘qib eshittirdi.
Davlat rahbarining kechagi farmoni bilan bir guruh OAV vakillari va blogerlar yuksak unvonlar, orden va medallari bilan taqdirlandi. Oliy Majlis Senati raisi Tanzila Norboyeva ushbu mukofotlarni o‘z sohiblariga topshirdi.
Shuningdek, tadbirda “Oltin qalam” Milliy mukofoti sovrindorlari eʼlon qilindi, g‘olib ommaviy axborot vositalari, jurnalist va blogerlar mukofotlandi. Bosh mukofotga “Gulxan” jurnali tahririyati sazovor bo‘ldi.
“Yuksak mukofotlar va kasb bayramingiz muborak bo‘lsin, aziz hamkasblar!”, deb yozgan Sherzod Asadov.
Izoh (0)