Andijon viloyatining Shahrixon tumanida yashovchi I.A. 50 nafar jizzaxlik pedagogni DTMdagi tanishlari orqali malaka attestatsiyasidan o‘tkazishni vaʼda qilgan. Bu haqda Jizzax viloyati IIB xabar berdi.
Maʼlum qilinishicha, fuqaro muallimlardan pul talab qilgan. Gumon qilinuvchi Sharof Rashidov tumanidagi maktablardan birining o‘qituvchisi G.U.dan 25 ming dollar hamda 30 mln so‘m olgan vaqtida ushlandi.
Holat yuzasidan surishtiruv o‘tkazilmoqda.
Attestatsiyadagi qing‘irliklar
Qoraqalpog‘istonda ta’lim sohasida poraxo‘rlik ortidan uch kishiga jinoyat ishi qo‘zg‘atilgani xabar qilingandi. Maktabgacha va maktab ta’limi vazirligi qayd etishicha, 2024-yil yanvardan boshlab maktabgacha, umumiy o‘rta va maktabdan tashqari ta’lim tashkilotlarining pedagog kadrlari attestatsiyasiMaktabgacha va maktab ta’limi vazirligi tomonidan o‘tkazib kelinmoqda.
Qayd etilishicha, ayrim pedagoglar tomonidan turli qing‘ir yo‘llar bilan toifa olishga urinish holatlari ham uchrab turibdi. O‘tgan malaka sinovlarida turli taqiqlangan vositalar, xususan aloqa vositalaridan foydalanish holati bo‘yicha 200 dan ortiq nomzodlar sinovlardan chetlashtirilgan.
Xususan, joriy yildagi sinovlarda respublika bo‘yicha jami 79 nafar, shu jumladan 68 nafari aloqa qurilmalaridan foydalangani sababli jarayondan chetlashtirildi.
Ayrimlar esa, firibgarlik yo‘li bilan testdan o‘tkazib qo‘yishni va’da qilib, pedagoglar ishonchiga kirmoqda, ulardan pul olib jinoyatga qo‘l urish holatlari ham uchrayapti.
Izoh (0)