Kapital Academy va Team University hamkorligida “Kapitalbank” ATB Kuzatuv kengashi va Boshqaruvi a’zolari uchun “Liderlik va sun’iy intellekt: jamoani moslashtiring yoki hammasidan mahrum bo‘ling” mavzusida tadbir tashkil etildi. Tadbir HEC Paris (Fransiya) biznes maktabining professori, global liderlik va madaniy intellekt bo‘yicha mutaxassis – professor Guido Gianasso boshchiligida o‘tkazildi. Treningning asosiy yo‘nalishi boshqaruv jarayonlariga sun’iy intellekt texnologiyalarini integratsiya qilish va jamoalarni rivojlantirishga qaratilgan amaliy vositalarni o‘z ichiga oldi.
Shuningdek, Kapital Academy tomonidan “Raqamli ko‘nikmalar. Ish jarayonida neyrotarmoqlar” mavzusida ochiq dars o‘tkazildi. Dastur doirasida Sora va DALL·E kabi neyron tarmoqli vositalar hamda promptlar kutubxonasi bilan ishlash bo‘yicha mashg‘ulotlar tashkil etildi. Shu bilan birga “prompt engineering” usullari va GPT modelidan mutaxassis yordamchisi sifatida foydalanish stsenariylari ko‘rib chiqildi.
Ochiq darsda jami 234 nafar xodim ishtirok etdi. Ular o‘rganilgan bilimlarni amaliyotda qo‘llab, promptlar yozish, modellarni o‘qitish va vizual kontent yaratish bo‘yicha faol ishtirok etdilar.
— Tez o‘zgarayotgan bugungi dunyoda doimiy o‘qish va o‘z ustida ishlash shaxsiy tashabbus yoki kasbiy qiziqish emas, balki ertangi kun lideri bo‘lishni istagan har bir inson uchun zaruratdir. O‘zgarishlarga ergashish emas, balki ularni shakllantiruvchi bo‘lish – mana shunday yondashuv bizni oldinga yetaklaydi, — deydi “Kapitalbank” ATB Kuzatuv kengashi Raisi maslahatchisi, Kapital Academy CEO’si Oksana Lindina. — AI (sun’iy intellekt) liderlikni kuchaytirishi mumkin, agar u ongli tarzda joriy etilsa. Kapitalbank – bu muvaffaqiyatli insonlar yetishib chiqadigan joy. Raqamli ko‘nikmalarni shakllantirish esa bu yo‘lda ularga yordam beradi. 2025-yil rejalari doirasida sun’iy intellektni xodimlar uchun mo‘ljallangan Kapital People korporativ portaliga integratsiya qilish ko‘zda tutilgan.
Iyun oyida “Growth Mindset” dasturi bo‘yicha o‘quv kursi tashkil etiladi. Ushbu dastur innovatsion tafakkurni rivojlantirish va doimiy g‘oyalar ishlab chiqish metodologiyasini joriy etishga qaratilgan. Raqamli ko‘nikmalar bo‘yicha kurs — bu Kapital Academy tomonidan maxsus ravishda Kapitalbank xodimlari uchun ishlab chiqilgan oylik o‘quv dasturidir.
Kapitalbankning bo‘linmalari sun’iy intellekt texnologiyalarini jadal joriy etmoqda. Xususan, Xodimlarni masofaviy o‘qitish bo‘limi jamoasi o‘quv kurslari uchun vizual kontent yaratishda sun’iy intellektdan foydalanmoqda. Ushbu kurslar to‘liq metrajli mini-filmga aylantirilib, an’anaviy masofaviy ta’lim formatiga nisbatan ancha samarali va jozibador shaklda taqdim etilmoqda.
Kapitalbank innovatsiya va o‘qishga yo‘naltirilgan korporativ madaniyatni izchil rivojlantirib bormoqda. Bunday mahorat darslarining o‘tkazilishi bankning ichki tajribasini mustahkamlab, uning sohada barqaror o‘sish va texnologik yetakchilikka intilishini tasdiqlaydi.
Kapital Academy rasmiy Telegram kanali: https://t.me/KapitalAcademy
Reklama huquqi asosida.
Izoh (0)