Президент ёрдамчиси Саида Мирзиёева БМТ бош котиби ёрдамчиси, БМТ Тараққиёт дастурининг Европа ва МДҲ бўйича минтақавий бюроси директори Ивана Живкович билан учрашув ўтказди.
Мулоқот давомида Ўзбекистон ва БМТ ТД ўртасидаги ҳамкорликни кенгайтириш истиқболлари муҳокама қилинди, хусусан, Қорақалпоғистон ва Оролбўйи минтақасини барқарор ривожлантиришга алоҳида эътибор қаратилди.
Ёшлар, соғлиқни сақлаш, маданият ва барқарор туризмни тараққий эттириш билан боғлиқ масалалар — ижобий ва узоқ муддатли ўзгаришлар учун асос яратиши мумкин бўлган муҳим йўналишлар юзасидан батафсил фикр алмашилди.
“Биз жамоатчиликни, айниқса, ёш авлодни уларнинг ғайрати, ижодкорлиги ва янгиликларга интилишидан келиб чиқиб, тараққиёт жараёнига жалб этишга интиламиз.
Қарашларимиз БМТ ТД мақсадларига тўғри келишидан, ҳамоҳанг эканидан хурсандман, биргаликдаги саъй-ҳаракатларимиз орқали ғояларни жойларда одамларга сезиларли фойда келтирадиган реал лойиҳаларга айлантиришимиз мумкинлигига ишонаман”, деб ёзади президент ёрдамчиси.
Изоҳ (0)