Toshkent shahrida xorijiy til bilish sertifikatini olib berishni vaʼda qilgan shaxs qo‘lga olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, fuqaro D.S. fuqaro F.A.ga tanishlari yordamida hech qanday imtihonlarsiz TOEFL IBT Home Edition xorijiy til sertifikatini 1,4 ming dollar evaziga olib berishini aytgan.
U shundan 700 dollarni olgan vaqtida ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari olib borilmoqda.
2023-yil iyulda Qashqadaryoda milliy sertifikat tayyorlab berish uchun 6,6 ming dollar olgan hokim yordamchisi ushlangan edi. 2024-yil mayda Buxoroda 2 ming dollarga til sertifikatini olib berishni va’da qilgan institut o‘qituvchisi ushlangandi.
Izoh (0)