Kapitalbank xalqaro Top Employers Instituteʼdan sertifikat olgan birinchi o‘zbek banki bo‘ldi, bu esa bankning HR jarayonlari xalqaro standartlarga mosligini tasdiqlaydi.
Top Employers Institute xalqaro auditorlik kompaniyasi BDO bilan hamkorlikda Kapitalbankning HR biznes jarayonlari va xodimlar bilan ishlash amaliyotlarini xalqaro standartlarga mosligini tekshirdi. Auditing natijalari bo‘yicha Kapitalbank Top Employer sertifikatini olgan birinchi o‘zbek banki bo‘ldi.
Top Employers Institute — bu 30-yildan ortiq vaqt davomida eng yaxshi ish beruvchilarni sertifikatlashtirish bilan shug‘ullanadigan xalqaro tashkilot. 2024-yilda tashkilot 122 mamlakatda 2 303 ta kompaniyani sertifikatladi.
— Kapitalbank jamoasida 20-yildan ortiq vaqt davomida mamlakatning yetakchi bank va moliyaviy tashkilotlari rahbarlari o‘z yo‘llarini boshlagan, — deya taʼkidlaydi Kapitalbank boshqaruvi raisi Kirill Mayevskiy. — O‘tgan yilda biz o‘z taʼlim markazimizni — Kapital Academyʼni ochdik. Unda bir qator taʼlim dasturlarini amalga oshirdik va, eng muhimi, HR sohasida tajriba va eng yaxshi amaliyotlar bilan o‘rtoqlashishni yo‘lga qo‘ydik. Bu loyiha bankning 100 dan ortiq filial va bo‘limlarida mehnat qilayotgan 3400 dan ortiq xodimlar uchun professional rivojlanish imkoniyatini yaratdi.
2024-yilda Kapital Academy ichki biznes-trenerlar tomonidan deyarli 5000 soat o‘quv mashg‘ulotlari o‘tkazildi. Tashkilot biznesni transformatsiya qilish bo‘yicha yetakchilik dasturi, “Top-500” kadrlar zaxirasi dasturi, front-ofis, kontakt markazi va soft-kollekshn bo‘yicha o‘quv mashg‘ulotlarni amalga oshirdi. Shuningdek, treningdan keyingi kuzatuv korporativ taʼlimning standart qismiga aylandi. Kapital Academy personalni rivojlantirishda biznes-o‘yinlar, strategik va jamoaviy sessiyalar, shuningdek, 2024-yilda ishlab chiqilgan 40 dan ortiq mualliflik treninglarini qo‘lladi. Xodimlar uchun masofaviy o‘quv imkoniyatini yaratish maqsadida mobil ilova joriy qilindi. Bu ilovadan internetsiz ham foydalanish mumkin.
2024-yilning oxirida Kapitalbank rahbariyati bank rivojlanish strategiyasi va korporativ madaniyatini belgilaydigan yangi asosiy qadriyatlarni taqdim etdi. Yangilangan tamoyillar liderlik, hamkorlik, jasorat va ishonchlilikni o‘z ichiga oladi hamda bankning kuchli va barqaror jamoa yaratishga intilishini namoyon qiladi.
Reklama huquqi asosida.
Izoh (0)