Pekinda yangi robotlar do‘koni ochildi, u yerda mexanik saroy xizmatchilaridan tortib, Albert Eynshteynning odamga o‘xshash nusxalarigacha sotiladi. Bu haqda BBC xabar bermoqda.
Xitoy poytaxtida ochilgan Robot Mall savdo markazida 100 dan ortiq nomdagi tovarlar sotiladi. Bu mamlakatda odamga o‘xshash va iste’molchi robotlarini taklif qiluvchi birinchi do‘konlardan biri hisoblanadi.
Autlet avtosalon bilan taqqoslanadi, chunki u sotish, ehtiyot qismlar va texnik xizmat ko‘rsatish kabi xizmatlarni taklif qiladi.
Ta’kidlanishicha, Xitoy iqtisodiy o‘sishning sekinlashuvi va aholining qarishi kabi muammolarni bartaraf etish maqsadida robototexnika va sun’iy intellekt (SI)ga katta mablag‘ sarflamoqda.
“Agar biz robotlar minglab uylarda paydo bo‘lishini istasak, faqat robototexnika ishlab chiqaruvchi kompaniyalarga tayanish yetarli emas”, dedi do‘kon direktori Van Ifan.
Sotilayotgan robotlarning narxi 2 000 yuandan (278 dollar) bir necha million yuangacha o‘zgarib turadi.
Tashkilotchilarning so‘zlariga ko‘ra, tashrif buyuruvchilar turli xil robotlar, jumladan, itlar va shaxmatchilar bilan muloqot qilishlari mumkin bo‘ladi.
Shuningdek, ehtiyot qismlarni almashtirish va robotlarga texnik xizmat ko‘rsatish bo‘yicha alohida bo‘lim mavjud.
Robot Mall tematik restoran yonida joylashgan bo‘lib, u yerda tashrif buyuruvchilarga robotlar xizmat ko‘rsatadi va taomlarni mexanik oshpazlar tayyorlaydi.
Xitoy robototexnika sanoatiga tobora ko‘proq e’tibor qaratmoqda: so‘nggi bir yil ichida ushbu sohaga ajratilgan subsidiyalar hajmi 20 milliard dollardan oshdi.
Shuningdek, Xitoy hukumati sun’iy intellekt va robototexnika sohasidagi startaplarga 1 trillion yuan ajratishni rejalashtirmoqda.
Robot Mall’ning ochilishi Pekinda boshlangan besh kunlik Butunjahon robotlar konferensiyasi boshlanishiga to‘g‘ri keldi. Bu yil ko‘rgazmada 200 dan ortiq mahalliy va xorijiy robototexnika kompaniyalarining 1 500 dan ortiq eksponati namoyish etiladi.
Shuningdek, Pekin 14—17-avgust kunlari birinchi Butunjahon insonparvar robotlar o‘yinlariga mezbonlik qilishga tayyorlanmoqda. Unda 20 dan ortiq mamlakat jamoalari yengil atletika, raqs va futbol kabi sport turlari bo‘yicha bellashadi.
Izoh (0)