Braziliya Amazonkasining shimoli-sharqiy chekkasida joylashgan Buritikupu shahri asta-sekin yer qa’riga cho‘kib bormoqda. So‘nggi haftalarda bir necha metr chuqurlikdagi ulkan chuqurlar paydo bo‘lishi tufayli mahalliy hokimiyat favqulodda holat e’lon qildi. Bu haqda Reuters xabar berdi.
Ma’lum qilinishicha, 55 ming kishilik umumiy aholidan 1,2 mingga yaqini uylarining qulab tushishi xavfi ostida qolgan, bir nechta bino allaqachon vayron bo‘lgan.
So‘nggi bir necha oy ichida chuqurlarning o‘lchamlari geometrik progressiya bo‘yicha kattalashib, turar joy binolariga ancha yaqinlashib qoldi, deyiladi shahar hokimiyati tomonidan chiqarilgan favqulodda qarorida.
Yerdagi o‘pirilishlar yomg‘irlar natijasida yuzaga kelgan bo‘lib, bu qumli tabiati tufayli zaif bo‘lgan tuproqlarni asta-sekin yemiradi. Bunga qo‘shimcha ravishda, rejasiz qurilish ishlari va o‘rmonlarning kesilishi ham o‘z ta’sirini ko‘rsatgan.
Buritikupulik jamoat ishlari vaziri va muhandis Lukas Konseysao shahar hokimiyatining yer o‘pirilishi bilan bog‘liq murakkab vaziyatga yechim topish imkoniyati yo‘qligini aytdi.
Izoh (0)