Braziliya Oliy sudi Ilon Maskning ijtimoiy tarmog‘ini to‘liq blokirovkadan so‘ng mamlakatdagi bir kunlik faoliyati uchun 920 ming dollar miqdorida jarimaga tortdi.
“Braziliyalik foydalanuvchilar provayderning o‘zgarishi sababli xizmatdan qisqa muddatli foydalanish imkoniyatiga ega bo‘ldilar”, deyiladi tarmoqning rasmiy bayonotida.
Braziliyaning ABRINT internet-provayderlari assotsiatsiyasining tushuntirishicha, kirish telefonlarda ijtimoiy tarmoq ilovasi avtomatik yangilangandan so‘ng paydo bo‘lgan, buning natijasida X doimiy ravishda o‘zgarib turadigan IP manzillardan foydalanadigan Cloudflare bulut xizmatiga o‘tgan. Bu bloklashni ancha qiyinlashtiradi, chunki banklar va davlat saytlari kabi boshqa saytlar va xizmatlar bir xil manzillardan foydalanadi.
19-sentyabr kuni ijtimoiy tarmoq Cloudflare xizmatlaridan foydalanishni to‘xtatgan va Braziliyada X’ga kirish imkoni yo‘qolgan. Maskning kompaniyasi vakillari voqeani “bexosdan sodir bo‘lmagani”ni aytgan.
“Biz platforma tez orada Braziliyada yana ishlamay qolishi kutilayotgan bo‘lsa-da, biz uni imkon qadar tezroq foydalanuvchilarga qaytarish uchun Braziliya hukumati bilan ishlashda davom etamiz”, deydi kompaniya.
Avgust oyi oxirida Braziliya Oliy sudi X’ga dezinformatsiya tarqatishda ayblangan o‘ng radikallar akkauntlarini o‘chirishdan bosh tortgani uchun mamlakatdagi faoliyatini taqiqlagan edi. Sudya Aleshandri de Moraish X’dan taqiqni buzgan har bir kun uchun taxminan 920 ming dollar undirilishiga qaror qilgan va Ilon Maskning mamlakatdagi kompaniyalari aktivlarini ehtimoliy jarima uchun muzlatib qo‘ygan.
Maskning o‘zi Braziliyada odil sudlovga to‘sqinlik qilish, jinoiy hamjamiyat tashkil etish va jinoyatga undashda ayblanib, tergov qilinmoqda.
Izoh (0)