Toshkent va Namangan viloyati tog‘li hududlarida 15—18-fevral qor ko‘chishi xavfi e’lon qilindi.
“O‘zgidromet” axborotiga ko‘ra, ushbu sanalarda yog‘ingarchilik hamda havo haroratining o‘zgarishi kutilmoqda.
Shu sababli respublikaning tog‘li hududlarida, jumladan:
- Toshkent viloyati Bo‘stonliq, Ohangaron va Parkent tumanlari (Chotqol tizmasi tog‘lari);
- Namangan viloyati Pop tumanida qor ko‘chishi xavfi e’lon qilindi.
Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rish so‘raldi.
Yuqoridagi hududlarda 8—12-fevral kunlari ham qor ko‘chish xavfi e’lon qilingandi.
Prognozlarga ko‘ra, O‘zbekistonning aksariyat hududlarida (Qoraqalpog‘iston Respublikasi va Xorazm viloyatining shimoli-g‘arbiy hududlaridan tashqari) 16-fevral, yakshanba kuni yomg‘ir va qor ko‘rinishidagi yog‘ingarchilik bo‘ladi.
Izoh (0)