“O‘zgidromet” 15—16-fevral kunlari kutilayotgan ob-havo haqida ma’lumot berdi.
Unga ko‘ra, shanba kuni respublika bo‘yicha yog‘ingarchilik kutilmaydi, faqat Qashqadaryo, Surxondaryo va Samarqand viloyatlarida kunning ikkinchi yarmida baʼzi joylarda yomg‘ir yog‘adi.
O‘zbekistonning ko‘pchilik hududlarida (Qoraqalpog‘iston Respublikasi va Xorazm viloyatining shimoli-g‘arbiy hududlaridan tashqari) yakshanba kuni yomg‘ir va qor ko‘rinishidagi yog‘ingarchilik bo‘ladi.
Bugun va ertaga kunduz kunlari havo harorati 7-10 daraja iliqqacha isiydi. Yakshanba kuni kunduzgi harorat 3-6 daraja iliqqacha pasayadi. Harorat asosan kechalari 0-5 daraja iliq bo‘ladi.
Sharqiy shamol yo‘nalishini o‘zgartirib, g‘arbdan 7-12 metr/sekun tezlikda esadi, 16-fevral – yakshanba kuni ayrim joylarda 13-18 m/s gacha kuchayadi.
Respublika bo‘yicha baʼzi joylarga tuman tushishi mumkin.
Toshkentda 15-fevral kuni yog‘ingarchilik kutilmaydi. 16-fevralda vaqti-vaqti bilan yog‘ingarchilik (yomg‘ir, qor) bo‘ladi. Shanba kuni kunduzi harorat 7-10 daraja iliq bo‘ladi. Yakshanbada 3-6 daraja iliqqacha pasayadi. Harorat asosan kechalari 0-3 daraja iliq bo‘ladi. Kechasi va ertalab tuman tushishi mumkin.
Izoh (0)