O‘zbekiston hududiga 8-fevral, shanba kuni nam havo kirib kelishi boshlanadi, ba’zi joylarda yomg‘ir yog‘adi, deb xabar bermoqda “O‘zgidromet”.
Faqat Qoraqalpog‘iston Respublikasi va Farg‘ona vodiysi viloyatlarida yog‘ingarchilik kutilmaydi. Xorazm viloyatida va cho‘l hududlarda yomg‘ir qorga aylanishi mumkin. Hududning katta qismida havo harorati yuqori bo‘lishi saqlanib turadi, faqat respublika shimolida harorat 3 daraja sovuq — 2 daraja iliqqacha pasayadi.
Yakshanba kuni respublikaning ko‘pchilik viloyatlarida kechasi va ertalab ba’zi joylarda yog‘ingarchilik (yomg‘ir, qor) bo‘ladi. Qoraqalpog‘iston Respublikasi, Xorazm, Buxoro, Navoiy viloyatlarida yog‘ingarchilik kutilmaydi. Kunduz kunlari havo harorati 5-10 daraja iliqqacha pasayadi, shimolda 3 daraja sovuq — 2 daraja iliq atrofida bo‘ldi.
Sharqiy shamol yo‘nalishini o‘zgartirib, g‘arbdan 7-12 m/s tezlikda esadi, ayrim joylarda 15-20 metr/sekundgacha kuchayishi mumkin.
Toshkentda shanba kuni biroz yomg‘ir yog‘ishi mumkin. Yakshanba kuni kechasi va ertalab yog‘ngarchilik (yomg‘ir, qorga aylanishi mumkin), kunduzi yog‘ingarchilik kutilmaydi. Harorat kechalari asosan 2-6 daraja iliq, kunduz kunlari 8-fevralda 13-16 daraja iliq, 9-fevralda 8-10 djaraja iliq bo‘ladi.
Izoh (0)