Polsha hududida Rossiyaning meteorologik havo shari aniqlandi. Bu haqda RFM 24 xabar berdi.
Havo shari 5-yanvar kuni Varmin-Mazur voyevodaligidagi Prostka shahri yaqinidagi o‘rmondan topilgan. O‘rmon xo‘jaligi xodimlari shar haqida politsiyaga xabar bergan. Polshada topilgan issiq havo shari dastlab haroratni o‘lchash uchun ishlatiladigan meteorologik asbob sifatida aniqlangan.
Sharda kirill yozuvlari qayd etilgan, u Rossiyadan, xususan, Kaliningrad viloyatidan uchib kelgan bo‘lishi mumkin.
O‘tgan yili Varmin-Mazur voyevodaligida bir nechta shunga o‘xshash obyektlar aniqlangandi. Holatlardan birida shar Polshaning havo bo‘shlig‘ida besh soat turgan va shundan so‘ng Kaliningradga qaytib ketgan.
Izoh (0)