Ўзбекистоннинг Франциядаги элчихонасида мамлакатнинг Aerophile groupe компанияси президенти Жером Гиакомони билан музокаралар ўтказилди. Бу ҳақда “Дунё” АА хабар берди.
Мулоқот давомида Ўзбекистонда туристлар учун хизмат кўрсатувчи ҳаво шари ва аэробар лойиҳасини амалга ошириш имкониятлари муҳокама қилинди.
Компания президенти Ўзбекистонда ҳаво шари ва аэробар лойиҳасини самарали амалга ошириш учун барча шароитлар мавжудлигини таъкидлади.
“Компанияси томонидан Франция, АҚШ, Германия, Испания, Польша, Буюк Британия, Венгрия, Туркия, БАА, Саудия Арабистони, Жанубий Корея, Сингапур, Япония, Хитой, Таиланд, Камбожа, Вьетнам, Иордания, Ироқ, Тунис, Грузия, Мексика, Бразилия, ва бошқа туризм индустрияси ривожланган давлатларда мазкур лойиҳа муваффақиятли амалга оширилган. Аэробар лойиҳаси Ўзбекистон учун қизиқарли ва муваффақиятли бўлишига ишончим комил”, деди Жером Гиакомони.
Изоҳ (0)