Shimoliy Koreya Yapon dengizi tomon 10 ga yaqin qisqa masofali ballistik raketalar uchirdi. Bu haqda Janubiy Koreya Birlashgan shtab boshliqlariga tayanib, Yonhap xabar berdi.
Janubiy Koreya harbiylari raketalar dengizga tushishidan oldin taxminan 350 kilometr uchib o‘tganini ta’kidladi. Hozirda harbiylar voqeani tahlil qilmoqda, boshqa tafsilotlar keltirilmagan.
Shimoliy Koreya 30-may kuni Yapon dengiziga 10 ga yaqin qisqa masofali ballistik raketalar uchirdi, — deyiladi xabarda.
Eslatib o‘tamiz, avvalroq KXDR Janubiy Koreya chegarasi orqali chiqindi bog‘langan 150 dan ortiq havo shari uchirgandi. Sharlar 28-may kuni kechqurun chegarani kesib o‘ta boshlagan va mamlakatning turli joylariga tushib, janubi-sharqiy Kyonsan provinsiyasigacha yetib kelgan.
Sharlar ichida turli xil chiqindilar, masalan, plastik butilkalar, batareyalar, poyabzal qismlari va hatto go‘ng ham bor. Ular batafsil tahlil qilish uchun yig‘ib olingan. Keyinchalik havo sharlari miqdori 200 dan oshgani ma’lum qilingan.
Izoh (0)