O‘zbekiston terma jamoasi himoyachisi Abduqodir Husanov Angliyaning “Manchester Siti” klubi bilan shartnomaga imzo chekdi. Bu haqda “Meta-ratings.kz” sayti ma’lum qildi.
Manba bergan ma’lumotga ko‘ra, shartnoma imzolash marosimida Gvardiolaning shaxsan o‘zi ishtirok etgan.
16-yanvar kuni futbolchi Manchester shahriga yetib borgan edi. Futbolchi tibbiy ko‘rikdan muvaffaqiyatli o‘tgan. Husanov va klub o‘rtasida 4,5 yillik shartnoma imzolanish kutilayotgan edi. Romano ham o‘z ijtimoiy tarmog‘idagi sahifasida shartnoma imzolanganini tasdiqladi. Kelishuvga ko‘ra, shartnomani yana bir yilga cho‘zish mumkin. Abduqodir o‘ziga 45-raqamni tanlagan.
Shu tariqa Abduqodir Husanov Angliya Premyer Ligasida o‘ynaydigan birinchi o‘zbek futbolchisiga aylanadi. Angliyaning yuqori divizionida futbolchilari o‘ynagan davlatlar soni esa 119 taga yetadi.
Ma’lumot uchun, “Lans” Husanovni 2023-yil iyul oyida “Energetik-BGU”dan 100 ming yevroga sotib olgandi.
Husanov Fransiya klubi safida 31 ta o‘yinda maydonga tushib, bir marta golli uzatma amalga oshirdi. Uning fransuz klubi bilan tuzgan shartnomasi 2027-yilning iyuniga qadar amal qiladi.
Transfermarkt ma’lumotiga ko‘ra, uning bozor qiymati 12 million yevroga baholangan.
Izoh (0)