Rossiyadan yoqilg‘i yetkazib berish bilan bog‘liq tashvishli vaziyat Qozog‘istonda muntazam aviaqatnovni xavf ostiga qo‘ymoqda. Bu haqda mamlakatdagi yirik aviakompaniyalaridan biri Air Astana vakillari ma’lum qildi, deya xabar beradi “Kommersant.ru”.
“Rossiyadan aviakerosin yetkazib berilmayotgani va Chimkent neftni qayta ishlash zavodi to‘xtatilishi kutilayotgani Qozog‘istonda muntazam aviaqatnov barbod bo‘lishi xavfini tug‘diradi”, — deyiladi kompaniya bayonotida.
Kompaniyaga ko‘ra, aviayoqilg‘i bilan bog‘liq vaziyat 2017-yilda “Gazpromneft”, “Rosneft”, “Lukoyl” va “Tatneft”ning jami o‘rtacha oylik eksport hajmi o‘tgan yilgi 44 ming tonnadan 15 ming tonnagacha kamayganidan so‘ng yomonlashdi.
Qozog‘iston fuqarolik aviatsiyasining joriy yilda aviatsiya yoqilg‘isiga bo‘lgan ehtiyoji esa 800 ming tonnani tashkil etadi.
Izoh (0)