Toshkent shahridagi Yoshlar ijod saroyida 16-noyabr kuni ItConf.Asia xalqaro forumi bo‘lib o‘tadi. Forum Markaziy Osiyoda so‘nggi yillardagi eng yirik IT Forum bo‘lishi kutilmoqda .
Konferensiya ishtirokchilari AKT, sun’iy intellekt, blokcheyn texnologiyalari va kriptovalyutalar sohalarining dolzarb trendlarini muhokama qiladi. Forumning alohida seksiyalari AKT sohasidagi ta’limga bag‘ishlanadi. Xususan, konferensiya mehmonlari “o‘z mamlakatidan chiqmasdan va masofadan ishlagan holda qanday qilib ko‘p pul topish mumkin?” degan savolga javob izlaydi. Forumning qo‘shimcha seksiyalari kibersport va startaplar uchun investitsiyalar hamda ularning kichik investorlar tomonidan foydalanish imkoniyatlariga bag‘ishlanadi.
Konferensiya tashkilotchilari qatoridan OksChain loyihasi , Terra Crypto raqamli mayningga bag‘ishlangan maxsus soha forumi, shuningdek Simplex IT kompaniyasi, O‘zbekiston Yoshlar ittifoqi, Up to win kompaniyasi joy olgan. Konferensiyaning rasmiy hamkorlari — Binance, Bitmain va IT Park.
Nima uchun ItConf.Asia’ga tashrif buyurish kerak?
Forumning maqsadi – O‘zbekistonda IT sohasi va blokcheyn jamoalarini shakllantirishda yordam beradigan yuqori texnologiyalar sohasi professionallari hisoblanadigan IT kompaniyalar vakillari, startaplar, dasturchilar, investorlar, davlat xizmatchilari va tadbirning boshqa ishtirokchilarini bir joyda jamlash. IT sohasidagi investitsiyalar va ta’limga hamda amaldagi texnologik loyihalar keyslariga alohida e’tibor qaratiladi.
O‘zbekiston hududida blokcheyn loyihalarni ishga tushirish uchun juda qulay vaziyat yuzaga keldi – MDHning barcha mamlakatlarida ham texnologiya sohasiga mamalakat rahbariyati tomonidan bu darajada qiziqish va diqqat qaratilmaydi. Mamlakatda allaqachon Kuchli mayning kompaniyalari faoliyat olib borish uchun qiziqish bildirmoqda .
Shu bilan bir vaqtda, mamlakat hududida mutaxassislar hali ham yetarli emas. Shuning uchun konferensiyaning asosiy maqsadlaridan biri – respublikada blokcheyn va IT jamoasini shakllantirish va keng auditoriyaga raqamli texnologiyalarning barcha ustunliklari va imkoniyatlari haqida ma’lumot berish.
Konferensiya doirasida katta ko‘rgazma tashkil etiladi, unda tadbir ishtirokchilari o‘zlari va erishgan natijalari haqida hikoya qiladi. Forumda 15 ta mamlakatdan 26 nafar spiker tashrif buyurishi rejalashtirilmoqda.
Forum mehmonlari tarkibiga Bitmain vakili Murodjon Hamroyev, “Gazpromneft”ning blokcheyn markazi rahbari Aleksandr Kalmikov, IT Park Uzbekistan’ning innovatsiyalar bo‘yicha direktori Aleksandr Kuchkarov, RJD blokcheyn laboratoriyasi rahbari Dmitriy Plakov, geymerlar uchun mo‘ ljallangan Cashtan koshelogi rahbari Dmitriy Machixin kirgan.
Konferensiyaning maxsus mehmonlari Binance birjasi vakili Gleb Kostarev va mahalliy blokcheyn jamoasi yetakchilaridan biri, Okscheyn loyihasi asoschisi Bekzod Gapparov bo‘ladi.
Konferensiya tashkilotchilari uning ishtirokchilari IT texnologiyalari haqida ko‘proq ma’lumotga ega bo‘lishi uchun barcha imkoniyatlari ishga soladi.
Ko‘rgazma bo‘lib o‘tadigan manzil: Toshkent shahridagi Yoshlar ijod saroyida
Vaqti: 16:00-noyabr kuni 09:00 da boshlanadi
Ma’lumot uchun: + 998 95 349 11 22
Qo‘shimcha ma’lumotlar bilan tanishish uchun www.itconf.asia saytiga tashrif buyuring yoki savollaringizga info@itconf.asia ga jo‘natish orqali javob olishingiz mumkin.
Reklama huquqi asosida.
Izoh (0)