Taniqli xonanda Baxtiyor Sultonov 4-yanvar kuni 60 yoshda vafot etdi. Bu haqda shoir Bobur Bobomurod Facebook’dagi sahifasiga ma’lum qildi.
“Bugungi tong juda noxush xabar olib keldi. Bir paytlar “Bedana” qo‘shig‘i bilan mashhur bo‘lgan xonanda, sozanda, bastakor, eng muhimi yaxshi inson Baxtiyor Sultonov vafot etibdi. Ishonmay, dabdurustdan karaxt bo‘lib qoldim. Ikki kun oldin 1-yanvar kuni kechqurun Telegram’dan yangi yil tabrigini jo‘natgandilar.
Baxtiyor aka bilan ancha hamkorlik qilganmiz, ko‘p suhbatda bo‘lganmiz. Doim harakatda edilar, niyatlari ko‘p edi. Afsus, taqdirning aytgani boshqa ekan.
Nima deyishni, yozishni bilmayapman. Odamzod naqadar mo‘rt, omonat. Bir-birimizga eʼtiborliroq bo‘laylik. Baxtiyor akani Alloh rahmatiga olsin”, deb yozdi Bobur Bobomurod.
Baxtiyor Sultonov 60 yoshda edi.
Izoh (0)