Таниқли хонанда Бахтиёр Султонов 4 январь куни 60 ёшда вафот этди. Бу ҳақда шоир Бобур Бобомурод Facebook’даги саҳифасига маълум қилди.
“Бугунги тонг жуда нохуш хабар олиб келди. Бир пайтлар “Бедана” қўшиғи билан машҳур бўлган хонанда, созанда, бастакор, энг муҳими яхши инсон Бахтиёр Султонов вафот этибди. Ишонмай, дабдурустдан карахт бўлиб қолдим. Икки кун олдин 1 январь куни кечқурун Telegram’дан янги йил табригини жўнатгандилар.
Бахтиёр ака билан анча ҳамкорлик қилганмиз, кўп суҳбатда бўлганмиз. Доим ҳаракатда эдилар, ниятлари кўп эди. Афсус, тақдирнинг айтгани бошқа экан.
Нима дейишни, ёзишни билмаяпман. Одамзод нақадар мўрт, омонат. Бир-биримизга эътиборлироқ бўлайлик. Бахтиёр акани Аллоҳ раҳматига олсин”, деб ёзди Бобур Бобомурод.
Бахтиёр Султонов 60 ёшда эди.
Изоҳ (0)