Isroilning El Al aviakompaniyasi Tel-Avivdan Moskvaga parvozlarni to‘xtatdi. Bu haqda aviakompaniya matbuot xizmati xabar berdi.
“Rossiya havo hududidagi voqealar tufayli El Al aviakompaniyasi Tel-Aviv — Moskva yo‘nalishidagi barcha reyslarni kelgusi haftagacha to‘xtatmoqda”, deyiladi bayonotda.
Vaziyat keyingi haftada qayta ko‘rib chiqiladi va parvozlarni qayta tiklash yoki tiklamaslik to‘g‘risida qaror qabul qilinadi.
25-dekabr kuni Bokudan Grozniyga uchayotgan Azerbaijan Airlines yo‘lovchi samolyoti Qozog‘istonda halokatga uchradi. Samolyotda bo‘lgan 67 kishidan 38 nafari halok bo‘lgan.
Samolyotga raketa zarbasi berilganmi?
Euronews telekanalining xabar berishicha, Ozarbayjon hukumatidagi manbalar Qozog‘istonning Oqtov shahrida halokatga uchragan Azerbaijan Airlines samolyotining qulashiga Rossiyaning yer havo raketasi sabab bo‘lganini tasdiqlagan.
Dastlabki ma’lumotlariga ko‘ra, Grozniy ustidan uchib borayotgan vaqtda samolyotga havo mudofaa tizimi bilan zarba berilgan. Zenit raketa havodagi samolyot yonida portlab, metall parchalar samolyotning dum qismiga zarar yetkazgan.
Biroq uchuvchilarning favqulodda qo‘nish haqidagi so‘rovlariga qaramay, Rossiyaning birorta aeroportiga qo‘nishga ruxsat bermagan. Shundan so‘ng ekipajga Kaspiy dengizi orqali Qozog‘istonning Oqtov shahri tomon uchish buyurilgan.
Euronews telekanalining ma‘lum qilishicha, Rossiya armiyasi tomonidan qo‘llanilgan radioto‘lqinli qurollar samolyotning GPS navigatsiya tizimiga zarar yetkazgan.
Izoh (0)