Fransiyalik futbolchi Pol Pogbaning akasi Matias Pogba 3 yilga qamaldi. Bu haqda RMC Sport xabar berdi.
Avvalroq Matias ukasi Polni o‘g‘irlab ketgan va uni qo‘yib yuborish uchun 13 mln yevro talab qilgandi. 26-noyabr kuni ushbu ish yuzasidan sud jarayoni o‘tkazilgan.
Prokuratura Matias Pogbani 3 yilga (2 yili qattiq rejim asosida) ozodlikdan mahrum qilish jazosini uy hibsida ushlash yoki elektron braslet taqib yurish bilan almashtirish variantlarini tavsiya qildi.
Maʼlum qilinishicha, Matias 3 yilga qattiq rejim asosida ozodlikdan mahrum qilingan va jazoni koloniyalarda o‘tkazishi belgilangan. Shuningdek, u 20 ming yevro miqdorida jarima to‘laydi.
Shuningdek, qamoqdan chiqqan paytidan boshlab 10 yil davomida qurol olib yurish huquqidan mahrum qilindi.
Izoh (0)