A Seriya. “Yuventus” o‘z maydonida Bolonya klubini yenga olmadi

Futbol bo‘yicha Italiya A Seriyasining 2-turida “Yuventus” 27-avgust, yakshanba kuni “Bolonya”ni qabul qildi.

Uchrashuvning 24-daqiqasida Lyuis Fergyuson mehmonlarni hisobda oldinga olib chiqdi. 80-daqiqada esa Dushan Vlahovich muvozanatni tikladi. O‘yin 1:1 hisobidagi durang natija bilan yakunlandi.

Turinliklar 2-turdan so‘ng 4 ochko bilan 3-o‘rinni egallab turibdi.

A Seriya

2-tur bahsi

27-avgust, yakshanba

“Yuventus” – “Bolonya” 1:1

Gollar: 0:1 – 24 Fergyuson, 1:1 – 80 Vlahovich.

“Yuventus”: Perin, Aleks Sandro, Danilo, Bremer, Kambyazo (Ayling, 66), Vea (Makkenni, 82), Rabyo, Lokatelli (Yildiz, 82), Fajoli (Pogba, 66), Kyeza (Milik, 74), Vlahovich.

“Bolonya”: Skorupski, Posh, Lukumi, Bekema, Likoyannis (Korassa, 61), Moro (Dominges, 61), Ebisher (El-Azzuzi, 85), Fergyuson, Orsolini (Karlsson, 61), Ndoye (Fabbian, 90), Zirkzee.

Ogohlantirishlar: Rabyo (12), Posh (17), Motta (72), Yildiz (87).