Yevropa Ligasi. “Manchester Yunayted” so‘nggi daqiqalardagi avtogollar tufayli g‘alabani qo‘ldan chiqardi. “Yuventus”da g‘alaba, “Roma” yengildi (video)

Futbol bo‘yicha Yevropa Ligasining chorak final dastlabki bahsi doirasidagi o‘yinlar 13-aprel, shanba kuni o‘tkazildi.

“Manchester Yunayted” o‘z uyida “Sevilya”ni qabul qildi. Birinchi bo‘limda inglizlar Marsel Zabitserning dubli evaziga hisobni ishonchli ko‘rinishga keltirdi. Bunga ispan klubi so‘nggi daqiqalarda ikkita to‘p bilan javob qaytardi. Avvaliga 84-daqiqada Xesus Navasning zarbasidan keyin to‘p Tirell Malasiaga tegib o‘z yo‘nalishini o‘zgartirdi va darvozadan joy oldi, hakam tomonidan qo‘shib berilgan vaqtda Harri Maguayr o‘z darvozasini ishg‘ol qilib qo‘ydi.

“Yuventus” Federiko Gattining yagona goli evaziga “Sporting” ustidan g‘alabaga erishdi.

“Roma” klubi “Feyenoord” maydonida mehmon bo‘ldi. Ikkinchi bo‘lim boshida kiritilgan to‘p niderland klubiga g‘alaba keltirdi.

Yana bir o‘yin “Bayer” va “Yunion” jamoalari o‘rtasida kechdi. Unda tomonlar murosa yo‘lini tanladi.

Chorak finalning javob o‘yinlari 20-aprel kuni o‘tkaziladi.

Yevropa Ligasi

¼ final, dastlabki bahslar

13-aprel, payshanba

“Manchester Yunayted” (Angliya) – “Sevilya” (Ispaniya) 2:2

Gollar: 1:0 – 14 Zabitser, 2:0 – 21 Zabitser, 2:1 – 84, avtogol Malasia, 2:2 – 90+2, avtogol Maguayr.

“Manchester Yunayted”: De Xea, Uan-Bissaka, Varan (Maguayr, 46), Martines, Malasia, Zabitser, Kazemiro, Brunu Fernandesh (Eriksen, 62), Sancho (Elanga, 63), Antoni (Pelistri, 81), Marsyal (Vegorst, 62).

“Sevilya”: Bunu, Montel (Gomes, 90), Markao Teysheyra, Nyanzu (Suso, 73), Akunya, Rakitich, Fernando, Gudel, Okampos, Oliver Torres (Navas, 46), Lamela (an-Nesiri, 67).

Ogohlantirishlar: Montel (11), Rakitich (25), Lamela (38), Brunu Fernandesh (41), Gudel (58), Antoni (65), Akunya (72), Pelistri (89).

“Yuventus” (Italiya) – “Sporting” (Portugaliya) 1:0

Gol: 1:0 – 73 Gatti.

“Yuventus”: Shensni (Perin, 44), Danilo, Bremer, Gatti, Kuadrado, Kostich (Fajoli, 62), Rabyo, Lokatelli (Paredes, 86), Di Mariya (Pogba, 86), Kyeza, Milik (Vlahovich, 62).

“Sporting”: Adan, Eshgayyu (Belyerin, 77), Koates, Sen-Jyust (Diomande, 45), Inasiu, Nunu Santush (Mateus Reys, 62), Pedru Gonsalvesh, Morita, Edvards (Essugu, 77), Trinkau, Shermiti (Artur, 62).

Ogohlantirishlar: Inasiu (20), Rabyo (24), Vlahovich (65).

“Feyenoord” (Niderlandiya) – “Roma” (Italiya) 1:0

Gol: 1:0 – 53 Viffer.

“Feyenoord”: Beylo, Gertryuyda, Trauner, Gansko, Hartman, Shimanski, Kekchyu, Viffer, Jahonbaxsh (Danilo, 72), Idrissi (Igor Payshao, 64), Ximenes (Lopes, 83).

“Roma”: Ruy Patrisiu, Smolling, Manchini, Rojer, Spinatssola (Chelik, 84), Zalevski, Matich, Kristante, Pellegrini (Veynaldum, 46), Dibala (ash-Shaaravi, 26), Abraham (Belotti, 58).

Ogohlantirishlar: Viffer (18), Shimanski (35).

“Bayer” (Germaniya) – “Yunion” (Belgiya) 1:1

Gollar: 0:1 – 51 Bonifase, 1:1 – 82 Virts.