Avvalroq, fransiyalik futbolchi Pol Pogba Saudiyaning “An-Nassr” jamoasiga o‘tishi mumkinligi haqida xabarlar tarqalgan edi. ESPN nashrining xabariga ko‘ra, futbolchi “kuchli beshlik”da o‘ynash niyatida.
Shuningdek, Pogba Fransiya terma jamoasiga qaytishni istamoqda. Futbolchi kuchli chempionatda o‘ynasa buning uchun imkoniyatlari yuqoriroq bo‘lishiga ishonmoqda.
Hozirda Pol Mayamida mashg‘ulotlar o‘tkazmoqda. Fransiyalik futbolchi mart oyida maydonga qaytishi mumkin.
Pol Pogbaning “Yuventus” bilan amaldagi shartnomasi mavjud va klub uni bekor qilish arafasida.
2023-yilning avgust oyida Pogba doping-testdan ijobiy o‘tdi. 29-fevral kuni antidoping mahkamasi yarim himoyachini 4 yilga diskvalifikatsiya qilish qarorini tasdiqlagandi. Sud Pogbaning chetlatilishi haqida qarorni e’lon qilgach, sportchi shikoyat arizasini kiritdi. Sport arbitraj sudi (CAS) diskvalifikatsiya muddatini 18 oygacha qisqartirishga qaror qildi.
Ma’lumot uchun, Pogba Fransiya terma jamoasi bilan Jahon chempioni bo’lgan. Yevropa chempionatida terma bilan kumush medaliga ega chiqqan. Futbolchi Angliyaning “Manchester Yunayted” jamoasi safida ham faoliyat yuritgan.
Tizimga kiring yoki Roʻyxatdan oʻting.
Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadiRoʻyxatdan oʻtganmisiz? Login.
Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadiRahmat. Biz sizning xabaringizni oldik va xatoni imkon qadar tezroq tuzatamiz.
Izoh (0)