Xorazmda 6 kilodan ortiq giyohvandlik vositalarini saqlayotgan shaxslar aniqlandi
Xorazm viloyatida o‘tkazilgan qator tezkor tadbirlar davomida giyohvandlik vositalarining noqonuniy aylanmasiga chek qo‘yildi. Bu haqda Bojxona qo‘mitasi matbuot xizmati xabar berdi.
Foto: Bojxona qo‘mitasi matbuot xizmati
Jumladan, Xiva tumanida oldindan kuzatuvga olingan shaxsning xonadoni belgilangan tartibda ko‘zdan kechirilganida, 1,8 kg dan ziyod og‘irlikdagi marixuana yashirincha saqlanayotgani aniqlandi.
Foto: Bojxona qo‘mitasi matbuot xizmati
Shuningdek, Xonqa tumanida shubha ostiga olingan shaxsning xonadoni ko‘zdan kechirilganida, xonadon chordog‘ida 2 kg dan ziyod marixuana saqlanayotgani fosh bo‘ldi.
Foto: Bojxona qo‘mitasi matbuot xizmati
Bundan tashqari, Xiva tumanida oldindan kuzatuvga olingan shaxsning uyida 2,6 kg dan ziyod marixuana hamda 3,7 gramm “gashish” borligi aniqlandi.
Foto: Bojxona qo‘mitasi matbuot xizmati
Barcha holatlar yuzasidan bojxona organlari tomonidan jinoyat ishlari qo‘zg‘atildi.
Foto: Bojxona qo‘mitasi matbuot xizmati
Giyohvand moddalar savdosi
Mart oyi o‘rtalarida DXX Chegara qo‘shinlari va Namangan viloyati bo‘yicha boshqarmasi harbiy xizmatchilari tomonidan olib borilgan tezkor-qidiruv tadbirlarida katta miqdordagi narkotik moddalarning o‘zbek-qirg‘iz davlat chegarasidan noqonuniy o‘tkazilgan holati aniqlangandi.
Shuningdek, Navoiy viloyatida narkotik moddalar savdosi bilan shug‘ullanuvchi jinoiy guruh qo‘lga olingani, Toshkentda giyohvand moddalar savdosi bilan shug‘ullangan talabalar ushlangani, shuningdek, Samarqanddagi tungi klubda 10 ming AQSH dollari evaziga giyohvand modda sotishga uringanlar qo‘lga tushgani to‘g‘risida xabar berilgandi.
Aprel oyi oxirida Toshkent viloyatida narkokuryerlik bilan shug‘ullangan kollej talabasi ushlangandi.
Oktyabr oyining 10 kuni davomida giyohvandlik vositalarini yashirish yo‘li bilan (“zakladka”) tarqatgan va shunday noqonuniy faoliyat bilan shug‘ullangan 32 nafar shaxs ushlangan.
Izoh (0)