Navoiy viloyatida narkotik moddalar savdosi bilan shug‘ullanuvchi jinoiy guruh qo‘lga olindi. Bu haqda “Mening yurtim” telekanali orqali efirga uzatilgan lavhada ma’lum qilindi.
Qayd etilishicha, 1969-yilda Navbahor tumanida tug‘ilgan fuqaro noqonuniy ravishda giyohvand moddalar savdosi bilan shug‘ullanib kelgan. Unga 2010-yilda sodir etgan jinoyati sabab 1 yil muddatga oylik ish haqining 15 foizini davlat daromadi hisobiga ushlab qolgan holda axloq tuzatish ishlariga hukm qilingan. Biroq 2012-yilda takroran jinoyat sodir etgani uchun 9 yilga ozodlikdan mahrum etilgan. Berilgan yengillikka qaramay, ushbu shaxs 2017-yilda yana sudlanib, 7,5 yilga ozodlikdan mahrum etilgan. Jazo muddatining bir qismini o‘tagan mahkumga yana yengillik berilgan, shu kunga qadar probatsiya hisobida bo‘lgan erkak giyohvand moddalar savdosini davom ettirgan.
Bu safar u sheriklari bilan marixuana moddasini 1,5 million so‘mdan 10 million so‘mgacha sotgan. Mazkur jinoiy to‘daning barcha a’zolari qo‘lga olingan bo‘lib, ularga nisbatan jinoyat ishi qo‘zg‘atilgan bo‘lib, ayni paytda dastlabki tergov harakatlari olib borilmoqda.
Izoh (0)