“Harbiy hamkorlik rejasi”: Markaziy Osiyo davlatlari mudofaa yo‘lida birlashadimi?

Markaziy Osiyo yetakchilari mintaqada yuzaga kelayotgan xavf-xatarlar tufayli mudofaa va xavfsizlik sohasida yanada chuqur hamkorlik qilishga intilmoqda. Mintaqa davlatlari yetakchilarining VI maslahat uchrashuvi oldidan Qozog‘iston prezidenti Qosim-Jo‘mart To‘qayev xavfsizlik sohasida yagona yondashuv zarurligini ta’kidlagan bo‘lsa, O‘zbekiston prezidenti Shavkat Mirziyoyev mintaqaviy barqarorlik uchun strategik hujjat ishlab chiqishni taklif qildi. Yaqinda imzolangan Qozog‘iston va O‘zbekiston o‘rtasidagi Ittifoqchilik munosabatlari to‘g‘risidagi shartnoma va davom etayotgan harbiy mashg‘ulotlar bilan Markaziy Osiyo qo‘shni davlatlar o‘rtasida mustahkam mudofaa aloqalarini o‘rnatish, ishonch va sheriklikni rivojlantirishga qaratilgan. O‘zbekiston qo‘shni respublikalar bilan mudofaa yo‘lida birlashadimi?