Finlyandiyaning Finnair aviakompaniyasi uchuvchilar kasaba uyushmasining ish tashlashi sababli 9 va 13-dekabr kunlari 300 ga yaqin reysni bekor qilmoqda.
“Finnair Finlyandiya uchuvchilar ittifoqi (SLL) noroziligi tufayli parvozlarni bekor qilishga majbur. Ish tashlash doirasida uchuvchilar 9 va 13-dekabr kunlari parvozlarni amalga oshirmaydi. Taxminan 300 ta reys bekor qilinadi”, deyiladi xabarda.
Ta’kidlanishicha, ish tashlash tufayli parvozlarni bekor qilish oqibatlari aviakompaniyaning qariyb 33 ming nafar mijoziga ta’sir qiladi.
O‘tgan yilning dekabr oyidan beri Finlyandiyada ish tashlashlar turli sohalarda, xususan, bolalar bog‘chalaridan tortib sanoat ishlarigacha bo‘lgan sohalarda o‘tkazilmoqda. Kasaba uyushmalari bosh vazir Petteri Orponing pensiyalar, kasallik ta’tillari va ishsizlik nafaqalari, sug‘urta mukofotlari, ishdan bo‘shatishni soddalashtirish, ish tashlashlar muddatini qisqartirish va boshqa masalalarga taalluqli kabinet islohotlariga norozilik bildirmoqda.
Finlyandiya sanoat konfederatsiyasi hukumat islohotlariga qarshi siyosiy ish tashlashlar natijasida Finlyandiya iqtisodiyoti, biznesi va ish joylariga yetkazilgan jami zarar 2 milliard yevroga yaqinlashdi. Bo‘lib o‘tgan ish tashlashlar kutilgan natijaga olib kelmagan va Vazirlar Mahkamasi imtiyozlarga rozi bo‘lmagan.
- Avvalroq Belgiyaning Sharlerua xalqaro aeroporti xususiy xavfsizlik kompaniyasi xodimlarining ish tashlashi sababli barcha uchib ketish reyslarini bekor qilgani haqida xabar berilgan edi.
Izoh (0)