Shavkat Mirziyoyevning BMT Iqlim o‘zgarishi bo‘yicha konferensiyasida so‘zlagan nutqi, Toshkent viloyatida bedarak yo‘qolgan ayolning o‘lik holda topilishi, TikTokʼda o‘zini saraton va jigar sirroziga chalingan bemor qilib ko‘rsatib, xayriya pullarini “yeb kelgan” ayolga hukm o‘qilishi — “Daryo” nashri bugun, 12-noyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkent viloyatida bedarak yo‘qolgan ayol o‘lik holda topildi
23 yoshli ayol kanalda cho‘kib ketgani aniqlangan.
O‘zbekistonda Xalqaro mehnat tashkilotining yana bir konvensiyasi ratifikatsiya qilindi
Konvensiya haq to‘lanadigan ta’tillar to‘g‘risida.
Akademik Temurjon Nosirov 83 yoshida vafot etdi
U elektroenergetik tizimlar rejimlarini tahlili va nazariyasi bo‘yicha yirik olim edi.
TikTok’da o‘zini saraton va jigar sirroziga chalingan bemor qilib ko‘rsatib, xayriya pullarini “yeb kelgan” ayolga hukm o‘qildi
“U TikTok’dagi jonli efirida qornini ko‘rsatib, jigar sirroziga ham chalinganini aytib, ehson so‘rashni davom ettirdi. Keyin bilsak, qorniga doka qo‘yib, ‘izolenta’ yopishtirgan ekan. Aslida, u homilador ekan”, deydi jabrlanuvchi.
Amir Temurdan avlodlariga, so‘ngra afg‘on shohiga nasib etgan mashhur uzuk AQSHga qanday borib qolgan?
Sohibqiron Amir Temurning g‘aroyib uzugi haqida eshitmagan o‘zbekistonlik bo‘lmasa kerak. Oltindan yasalib, qimmatbaho nefrit toshi qadalgan bu uzuk Temuriylar saltanatining ramzlaridan biri hisoblangan. Bebaho uzuk bugungi kunda AQSHda saqlanmoqda. Xo‘sh, u okean ortiga qay tariqa borib qolgan? Maqolada ushbu uzukning tarixi haqida so‘z yuritiladi.
Farg‘onada korrupsiyaga qarshi kurashuvchi mansabdor korrupsiyada ayblanib qamoqqa olindi
Holat yuzasidan jinoyat ishi qo‘zg‘atildi.
Shavkat Mirziyoyev Bokudagi iqlim konferensiyasida qanday muammolarga to‘xtaladi? Sherzod Asadov javob berdi
Prezident matbuot kotibi O‘zbekiston yetakchisining COP29 tadbirga tashrifidan asosiy maqsadi haqida ma’lumot berdi.
O‘zbekistonda kino, serial va qo‘shiqlar “ma’naviyat ekspertizasi”dan o‘tkaziladi
Respublika ma’naviyat va ma’rifat markazi loyiha haqidagi fikrlarga munosabat bildirdi.
Ipoteka kreditlari va daromad muhim omil: O‘zbekiston uy-joy bozorida faollik darajasi pasaydi
2024-yilning III choragida aholiga ajratilgan ipoteka kreditlari hajmi 4,84 trln so‘mni tashkil etgan.
Iqlim tufayli yo‘qotishlarni baholash markazi, innovatsion agrosanoat hab: Shavkat Mirziyoyev BMTning Iqlim o‘zgarishi bo‘yicha konferensiyasida qanday tashabbuslarni ilgari surdi?
Prezident COP29 mamlakatlari vakillarini Orolbo‘yida o‘tkaziladigan Raqamli “yashil” tashabbuslar global festivalida ishtirok etishga taklif etdi.
Shavkat Mirziyoyev Yevropa kengashi raisi Sharl Mishel bilan uchrashdi
“Markaziy Osiyo—Yevropa ittifoqi” formatidagi birinchi sammitga tayyorgarlik ko‘rishga alohida eʼtibor qaratildi.
O‘zbekiston—Finlyandiya o‘rtasida sanoat kooperatsiyasini rivojlantirish dasturi tayyorlanadi
Shavkat Mirziyoyev Finlyandiya prezidenti Aleksandr Stubb bilan uchrashuv o‘tkazdi.
Ziroat Mirziyoyeva — yoshlarga: “Sizning faolligingiz, saʼy-harakatlaringiz hayotimizni, Yer sayyorasi atalmish umumiy makonimizni, albatta, o‘zgartiradi”
O‘zbekiston birinchi xonimi 2024-yilning iqlim siyosati va barqaror rivojlanish sohasidagi asosiy voqeasi tadbirlarida ishtirok etmoqda.
Shavkat Mirziyoyev YTTB va Islom taraqqiyot banki rahbarlari bilan uchrashuv o‘tkazdi
YTTB bilan hamkorlikda 2025-yili Xorijiy investorlar kengashining navbatdagi yig‘ilishini tayyorlash va o‘tkazish yuzasidan fikr almashildi.
Shavkat Mirziyoyev Bokudagi iqlim sammiti doirasida xalqaro tashkilotlar rahbarlari bilan uchrashuv o‘tkazdi
ICESCO bilan hamkorlik bo‘yicha milliy komissiyani tezroq tuzish muhimligi qayd etildi.
Katta miqdorda elektr energiyasi o‘g‘irlagan Pop tumani hokimining o‘g‘li yana qamoqqa olindi
Unga nisbatan ikki yil ozodlikdan mahrum qilish to‘g‘risidagi tuman sudining hukmi kuchida qoldirildi.
Izoh (0)