Qozog‘istonda 6 ta yo‘nalish bo‘yicha to‘rtta davlatga xalqaro reyslar tiklandi

Qozog‘istonda 4 ta davlatga 6 ta yo‘nalishda xalqaro reyslar tiklandi, deb xabar bermoqda Qozog‘iston Sanoat va infratuzilmani rivojlantirish vazirligining axborot xizmatiga tayanib Kazinform.

Idoralararo komissiyaning 2020-yil 11-avgustdagi qaroriga binoan, 2020-yilning 17-avgustidan boshlab, Qozog‘iston haftasiga 23 marotaba takrorlanadigan 6 yo‘nalish bo‘yicha 4 davlatga xalqaro reyslarni bosqichma-bosqich tikladi.

Bular:

• 17-avgustdan BAA (11 ta reys): Olmaota—Dubay (6 ta reys) va Nur-Sulton—Dubay (5 ta reys);
• 18-avgustdan Germaniyaga (5 ta reys): Nur-Sulton—Frankfurt (5 ta reys);
• 19-avgustdan Belarus (4 ta reys): Olmaota—Minsk (2 ta reys) va Nur-Sulton—Minsk (2 ta reys);
• 19-avgustdan Ukraina (3 ta reys): Olmaota—Kiyev (3 ta reys).

Reyslar transportda bosh sanitariya vrachining buyrug‘iga binoan sanitariya xavfsizligi choralari kuchaytirilgan sharoitda amalga oshiriladi. Mamlakatdagi barcha aeroportlarda zararsizlantirish choralari kuchaytirilgan, sanitariya vositalari o‘rnatilgan va karantin choralari ko‘rilmoqda. Binoning kirish qismida yo‘lovchilarning tana harorati o‘lchanadi.