Toshkentning Furqat va Beshyog‘och ko‘chalarida avtomashinalar harakati 22-noyabrdan 10-dekabrgacha cheklanadi. Bu haqda “Toshkent shahar elektr tarmoqlari” MCHJ axborot xizmati xabar berdi.
Maʼlum qilinishicha, Shayxontohur tumani isteʼmolchilarini energiya resurslari bilan barqaror taʼminlashni yaxshilash maqsadida Chilonzor tumanining Beshyog‘och ko‘chasi bo‘ylab 110 kV li yuqori kuchlanishli yerosti elektr uzatish kabel tarmoqlarini o‘tkazish ishlari davom etmoqda. Mazkur ishlar maʼlum hududda yo‘l qoplamasini demontaj qilish ishlari olib borilishini taqazo qiladi.
Shu bois, quyidagi hududlarda transport vositalari harakati vaqtincha cheklanadi:
- Furqat ko‘chasining Beshyog‘och maydonidan Seul ko‘chasi keshishmasigacha bo‘lgan bir tomonlama yo‘nalishi;
- Beshyog‘och ko‘chasining Furqat, Afrosiyob va Islom Karimov ko‘chalari kesishmalari oralig‘idagi qismi.
“Yuzaga kelishi mumkin bo‘lgan noqulayliklar uchun uzr so‘raymiz! Ko‘rsatilgan davr mobaynida harakat ishtirokchilaridan boshqa muqobil yo‘llardan foydalanishlarini tavsiya etamiz”, deyiladi.
Izoh (0)