Тошкентнинг Фурқат ва Бешёғоч кўчаларида автомашиналар ҳаракати 22 ноябрдан 10 декабргача чекланади. Бу ҳақда “Тошкент шаҳар электр тармоқлари” МЧЖ ахборот хизмати хабар берди.
Маълум қилинишича, Шайхонтоҳур тумани истеъмолчиларини энергия ресурслари билан барқарор таъминлашни яхшилаш мақсадида Чилонзор туманининг Бешёғоч кўчаси бўйлаб 110 кВ ли юқори кучланишли ерости электр узатиш кабел тармоқларини ўтказиш ишлари давом этмоқда. Мазкур ишлар маълум ҳудудда йўл қопламасини демонтаж қилиш ишлари олиб борилишини тақазо қилади.
Шу боис, қуйидаги ҳудудларда транспорт воситалари ҳаракати вақтинча чекланади:
- Фурқат кўчасининг Бешёғоч майдонидан Сеул кўчаси кешишмасигача бўлган бир томонлама йўналиши;
- Бешёғоч кўчасининг Фурқат, Афросиёб ва Ислом Каримов кўчалари кесишмалари оралиғидаги қисми.
“Юзага келиши мумкин бўлган ноқулайликлар учун узр сўраймиз! Кўрсатилган давр мобайнида ҳаракат иштирокчиларидан бошқа муқобил йўллардан фойдаланишларини тавсия этамиз”, дейилади.
Изоҳ (0)