Toshkent shahri Yakkasaroy tumanidagi Bobur ko‘chasining bir qismida avtomobillar harakati qisman cheklanadi. Bu haqda “Toshkent shahar elektr tarmoqlari” xabar berdi.
Ma’lum qilinishicha, Shayxontohur tumani hududidagi iste’molchilarni energiya resurslari bilan barqaror ta’minlash maqsadida Yakkasaroy tumanining Bobur ko‘chasi Shota Rustaveli ko‘chasi bilan kesishmasidan Seul ko‘chasi bilan kesishmasigacha bo‘lgan qismida 110 kV li yuqori kuchlanishli yerosti elektr uzatish kabel tarmoqlarini o‘tkazish ishlari amalga oshirilishi rejalashtirilgan.
Shu sababli 16-oktyabrdan 15-noyabr kuniga qadar Bobur ko‘chasining ushbu qismida to‘rt chiziqli yo‘lning ikki chizig‘ida harakat cheklanadi. Avtotransport oqimi esa qolgan ikki chiziqqa yo‘naltiriladi.
“Toshkent shahar elektr tarmoqlari” noqulayliklar uchun uzr so‘rab, yuzaga kelishi mumkin tirbandliklarning oldini olish uchun, haydovchilarga aylanma yo‘llardan foydalanishlarini tavsiya etdi.
Izoh (0)