“Humo arena” yonidagi ko‘chalarda transport harakati vaqti-vaqti bilan cheklanadi

O‘zbekistonning uch shahri — Toshkent, Buxoro va Andijon futzal bo‘yicha 2024-yilgi FIFA jahon chempionatiga mezbonlik qiladi.  

Toshkent shahar IIBB Yo‘l harakati xavsizligi boshqarmasining xabar berishicha, 14-sentyabrdan 6-oktyabrgacha “Humo arena” sport majmuasiga atrofidagi ko‘chalarda vaqti-vaqti bilan transport vositalarining harakati qisman cheklanadi.

Bu tashrif buyuruvchi mehmonlar va muxlislarning xavfsizligini taʼminlash hamda jamoat tartibini saqlash maqsadida amalga oshirilmoqda.

Transport harakati cheklanadigan ko‘chalar:

• Furqat - Beshyog‘och ko‘chasidan Beshyog‘och ko‘chasi bo‘ylab, Beshyog‘och - Afrosiyob ko‘chalari kesishgan chorrahasigacha;
• Beshyog‘och - Afrosiyob ko‘chalari kesishgan chorrahasidan, Afrosiyob ko‘chasi bo‘ylab, I.Karimov - Afrosiyob ko‘chalari kesishgan chorrahasi ko‘chasigacha hudud yopiladi.