O‘zbekistonda elektron xizmatlar ko‘rsatuvchi 61 ta xorijiy kompaniya tomonidan 2024-yilning yanvar—sentyabr oylarida 101,9 mlrd so‘m soliq to‘langan. Bu haqda Soliq qo‘mitasi matbuot xizmati xabar berdi.
Bu ko‘rsatkich o‘tgan yilning mos davriga nisbatan 2,1 barobar ko‘p.
To‘langan soliqlarning 99,9 foizi elektron xizmatlar ko‘rsatuvchi 10 ta xorijiy kompaniya hissasiga to‘g‘ri keladi:
- Meta — 41,1 mlrd so‘m;
- Google — 26,1 mlrd so‘m;
- Apple — 22,6 mlrd so‘m;
- Amazon — 3,7 mlrd so‘m;
- “Booking.com” — 2,2 mlrd so‘m;
- Zoom — 1,4 mlrd so‘m;
- Netflix — 1,3 mlrd so‘m;
- Acca — 1,2 mlrd so‘m;
- Yandex Europe — 1,1 mlrd so‘m;
- Xsolla — 900,3 mln so‘m.
Maʼlumot uchun, O‘zbekistonda elektron xizmatlar ko‘rsatuvchi 60 ta xorijiy kompaniya tomonidan 6 oyda 48,4 mlrd so‘m soliq to‘langan.
Izoh (0)