Norvegiya hukumati 15 yoshgacha bo‘lgan bolalarning ijtimoiy tarmoqlarga kirishini cheklovchi qonun loyihasini tayyorlamoqda. Bu haqda mamlakat bosh vaziri Yonas Gar Styor VG nashriga bergan intervyusida ma’lum qildi.
Hozirda mamlakatda yosh chegarasi allaqachon mavjud — ijtimoiy tarmoqlardan foydalanishga 13 yoshdan ruxsat beriladi. Biroq Norvegiya OAV ma’muriyati tomonidan o‘tkazilgan tadqiqotga ko‘ra, 9-11 yoshli bolalarning yarmidan ko‘pi hali ham ushbu platformalardan faol foydalanmoqda.
Bosh vazir davlat bolalarni “algoritmlar kuchi” ta’siridan himoya qilish uchun aralashuvga majbur ekanini ta’kidladi.
“Bolalarni ijtimoiy tarmoqlardagi zararli kontentdan himoya qilish kerak. Katta texnologiya gigantlari kichik bolalarning miyasini zaharlamoqda. Bu qiyin kurash bo‘ladi”, dedi u.
Izoh (0)