Норвегия ҳукумати 15 ёшгача бўлган болаларнинг ижтимоий тармоқларга киришини чекловчи қонун лойиҳасини тайёрламоқда. Бу ҳақда мамлакат бош вазири Ёнас Гар Стёр VG нашрига берган интервьюсида маълум қилди.
Ҳозирда мамлакатда ёш чегараси аллақачон мавжуд — ижтимоий тармоқлардан фойдаланишга 13 ёшдан рухсат берилади. Бироқ Норвегия ОАВ маъмурияти томонидан ўтказилган тадқиқотга кўра, 9-11 ёшли болаларнинг ярмидан кўпи ҳали ҳам ушбу платформалардан фаол фойдаланмоқда.
Бош вазир давлат болаларни “алгоритмлар кучи” таъсиридан ҳимоя қилиш учун аралашувга мажбур эканини таъкидлади.
“Болаларни ижтимоий тармоқлардаги зарарли контентдан ҳимоя қилиш керак. Катта технология гигантлари кичик болаларнинг миясини заҳарламоқда. Бу қийин кураш бўлади”, деди у.
Изоҳ (0)