Joriy yilning 27-sentyabr kuni Yevropa tiklanish va taraqqiyot bankining Ozarbayjondagi vakolatxonasi sobiq rahbari, o‘zbekistonlik Kamola Mahmudova 48 yoshida Londonda vafot etgani xabar qilingandi.
Kamol Mahmudova xotirasiga bag‘ishlab “Ezgu amal” jamg‘armasi hamda Yevropa tiklanish va taraqqiyot banki O‘zbekistonda saraton kasalligiga chalingan bolalarni davolash uchun mablag‘ yig‘ish bo‘yicha tadbir o‘tkazishga qaror qildi. Shu munosabat bilan 6 oylik mablag‘ yig‘ish kampaniyasi e’lon qilindi.
Yevropa tiklanish va taraqqiyot banki fond uchun yig‘ilgan mablag‘ni 50 000 yevrogacha oshiradi.
Xayriyada yuridik va jismoniy shaxslar ishtirok etishi mumkin. Barcha maʼlumotlar Yevropa tiklanish va taraqqiyot bankining Facebook’dagi rasmiy kanalida e’lon qilingan.
Kamola Mahmudova 1976-yil Toshkentda tug‘ilgan. U Khan Academy, “Ezgu amal”, “Yashil Buxoro” kabi bir qator ta’lim, ijtimoiy va xayriya loyihalarining tashabbuskori hamda faol ishtirokchisi edi. U 25 yil davomida Yevropa tiklanish va taraqqiyot bankida faoliyat ko‘rsatib kelgan.
Shavkat Mirziyoyev 2020-yilda Kamola Mahmudovani xizmatlari uchun “Do‘stlik” ordeni bilan taqdirlagan.
“O‘zbekistonlik” filmining xorijda muvaffaqiyat qozongan o‘zbeklar haqidagi epizodlaridan biri Kamola Mahmudovaga bag‘ishlangan edi.
Izoh (0)